Литва улсын төлөөлөгчид Тайваньд айлчилсантай холбоотойгоор БНХАУ энэ улсын эсрэг хориг тавьсан талаар Жэнминь Жибао сонин мэдээлжээ.
Эх сурвалжийн мэдээлснээр, Литва улсын албаны этгээдүүдээс бүрдсэн 11 хүнтэй төлөөлөгчийн багийг Тээвэр, харилцааны орлогч сайд Агне Вайчукявичюте тэргүүлсэн байна. Тэд тав хоногийн туршид Тайваньд зочилж, арлын эрх баригчидтай нийт 14 удаагийн уулзалт зохион байгуулжээ. Айлчлалын хүрээнд хоёр тал хамтын ажиллагааны шинэ сувгуудын талаар ярилцсан гэнэ.
Энэ айлчлалын хариуд БНХАУ Литва улсын Тээвэр, харилцааны яамтай харилцахаа зогсоосон байна. Түүнчлэн энэ яамны орлогч сайдын эсрэг хориг тавьжээ.