Баянгол дүүргийн 12 дугаар хорооны нутаг дэвсгэр буюу Хүрээ дээд сургуулиас Өргөө кинотеатрын хойд замын уулзвар хүртэлх замыг 10 хоног хаахаар болжээ. Тодруулбал Бичил хорооллын замыг 2021 оны зургадугаар сарын 11-ний Баасан гаригийн 22:00 цагаас эхлэн зургадугаар сарын 20-ны 00 цаг хүртэл хааж, Цэвэр усны шугамын өргөтгөл шинэчлэлтийн ажил хийнэ.
Иймээс та бүхэн доорх зургийн дагуу буюу Ногоон болон Цэнхэрээр тэмдэглэсэн сумны дагуу хөдөлгөөнд оролцоно уу гэж Нийслэлийн замын хөдөлгөөний төлөвлөлт, зохицуулалт, инженерчлэлийн газраас мэдээллээ.
