БНХАУ-ын Төрийн зөвлөлийн Ерөнхий сайд Ли Кэцян ОХУ-д айлчилж байгаа билээ. Түүнийг Димитрий Медведев угтсан авсан юм. Энэ удаагийн айлчлалаар хоёр улсын харилцаа зөвхөн гадаад худалдаа төдийгүй эрчим хүч, дэд бүтэц, харилцаа холбоо зэрэг олон салбарт шинэ шатанд гаргахаар гэрээ хэлэлцээрүүдийг хийсэн байна. Тухайлбал, Москва-Бээжинг холбосон хурдны галт тэрэгний төмөр зам барих гэрээнд гарын үсэг зуржээ. Уг хурдны төмөр замыг байгуулах эхний алхамыг өнгөрсөн жил хийж байсан бөгөөд ОХУ-ын Ерөнхийлөгч Владимр Путин, Ли Кэцян нар санамж бичиг байгуулж байсан. Тиймээс энэ удаагийн Ерөнхий сайд нарын уулзалтаар хурдны галт тэрэгний төмөр зам барих гэрээг албан ёсоор үзэглэжээ. Уг төсөлд хурдны төмөр замыг Монголыг тойруулан барихаар зураг төсөл гарсан байна.
