Шатрын спортыг хөгжүүлэх, сурталчлах, өсвөрийн шатарчдын ур чадварыг дээшлүүлэх, авъяаслаг хүүхдүүдийг шинээр нээн гаргах зорилгоор Баянзүрх дүүргийн Хүүхэд гэр бүлийн хөгжлийн төв, Дэлхийн Зөн Монгол ОНХХ-ийн Дарь-Эх салбартай хамтран дүүргийн ерөнхий боловсролын сургууль, асрамж халамжийн төвүүд, хороодын өсвөрийн шатарчдын дунд “Цодгор хүү-2015” тэмцээнийг амжилттай зохион байгууллаа.
Тэмцээнд нийт 47 хүүхэд оролцсоноос 7 хүртэлх насны ангилалд охидоос нэгдүгээр байранд 44-р сургуулийн 1г ангийн сурагч Б.Хун-Амар, хоёрдугаар байранд 33-р сургуулийн 1в ангийн сурагч Т.Хүслэн, гутгаар байранд 44-р сургуулийн 1е ангийн сурагч Б.Билэгжаргал нар шалгарсан юм. Мөн насны ангилалд хөвгүүдээс 44-р сургуулийн 1е ангийн сурагч Ч.Санчир тэргүүн байрын эзэн болсон бол хоёрдугаар байранд О. Өсөх-Ирээдүй, гуравдугаар байранд 12-р хорооны оролцогч Э.Хангай шалгарлаа.
8-9 насны ангилалд охидоос нэгдүгээр байранд “Шавь” цогцолбор сургуулийн 28 ангийн сурагч Л.Баасанцэнд, хоёрдугаар байранд 44-р сургуулийн 3а ангийн сурагч Б.Маралмаа, гуравдугаар байранд 44-р сургуулийн 2е ангийн сурагч М.Номин-Эрдэнэ, хөвгүүдээс нэгдүгээр байранд “Амгалан”цогцолбор сургуулийн 3д ангийн сурагч Б.Наранпунцаг, хоёрдугаар байранд 14-р сургуулийн 3е ангийн сурагч Г.Түмэннаст, гуравдугаар байранд 33-р сургуулийн 3б ангийн сурагч Н.Тэмүүжин нар шалгарсан юм.
“Цодгор хүү-2015” тэмцээний 10-11 насны ангилалд охидоос нэгдүгээр байранд 44-р сургуулийн 4е ангийн сурагч А.Маралмаа, хөвгүүдээс 14-р сургуулийн 5а ангийн сурагч Н.Сүмбэрбилэгт, удаахи байранд 44-р сургуулийн 5е ангийн сурагч О.Төгөлдөр, гутгаар байрт 14-р сургуулийн 5а ангийн сурагч Б.Мөнгөншагай нар тус тус шалгарсан бөгөөд тэмцээний нас насны ангилалд эхний гурван байранд шалгарсан хүүхдүүдийг өргөмжлөл, алт, мөнгө, хүрэл медалиар шагнав.