Баянзүрх дүүргийн Тамгын газрын дарга Б.Амартүвшинг өнөөдөр 11.00 цагийн орчимд ажлын өрөөнд нь үл таних этгээд хутгалжээ.
Энэ тухай тус дүүргийн хэвлэлийн ажилтнаас тодруулахад “Дүүргийн Тамгын даргын биед халдсан явдал болсон бөгөөд одоогоор холбогдох албаны хүмүүс ажиллаж байгаа учир дэлгэрэнгүй мэдээлэл өгөх боломжгүй байна” гэлээ.
Албан бус эх сурвалжийн мэдээлснээр үл таних этгээд өрөөнд нь нэвтэрч биед нь халдсан байна.
ЦЕГ-ын хэвлэлийн төлөөлөгч, мэргэжилтэн М.Мөнхшүрээс тодруулахад “Хэргийн шалгалтын ажиллагаа явагдаж байна. Хэргийн холбогдогчоос байцаалт авч байна. Баянзүрх дүүргийн цагдаагийн нэгдүгээр хэлтэс дээр энэ хэргийг шалгаж байгаа” гэв.
Мөн түргэн тусламжийнхан Тамгын газрын дарга Б.Амартүвшинд анхны тусламж үзүүлэн, эмнэлэг рүү авч явжээ.