Өнөө өглөө 10:00 цагийн байдлаар нийслэлийн Нэгдүгээр хороолол, Дамбадаржаа, Хайлааст орчимд агаар хамгийн их бохирдолтой байна. Харин Сонгинохайрхан дүүргийн Баянхошуу орчимд агаар маш их бохирдолтой байгааг Агаарын чанарын индекст заажээ.
Агаарын бохирдол 300 хүрсэн үед оршин суугчид зүрх, уушгины архаг өвчтэй болон өндөр настай хүмүүс, хүүхдүүд гадаа удаан хугацаагаар байх болон гадаа биеийн хүчний хүнд ажил хийхээс зайлсхийх шаардлагатай.
Архаг хууч өвчтэй хүмүүс даралтаа тогтмол хянах, эмийг хугацаанд нь уух, цэвэр агаарт салхинд гарах болон амны хаалт зүүх хэрэгтэй юм.