“Өдрийн сонин”-ы сэтгүүлч Л.Мөнхтөр Баян-Өлгий аймгийн Сагсай суманд томилолтоор ажиллаж байна. Хэдий хаврын дунд сар гарсан ч гэлээ Монгол орны баруун хязгаарт Даян нуурын жавар, уулын цасны хүйтэнтэй хавсарч хацар хайран жиндүүлж байгаа сурагтай.
Л.Мөнхтөр сэтгүүлчийн очсон Цэргийн гавьяаны одонт 0165 дугаар ангийн харьяа Баянгийн заставынхан бол Монгол орныхоо баруун хилийг нүд цавчилгүй манаж буй билээ. Тэдний цэргийн баяраа хэрхэн тэмдэглэсэн талаарх сонирхолтой сурвалжлагыг манай сэтгүүлч илгээж, “Өдрийн сонин” маргаашийн дугаартаа нийтэлж байна. Цасны мотоциклиор хилээ эргэх Баянгийн заставынхны тухай цуврал сурвалжлагуудыг ойрын хэдэн өдөр зөвхөн “Өдрийн сонин”-оос унших боломж гарлаа. 
