Цагаан сараар цагдаагийн байгууллага хэрхэн ажиллах талаар ЦЕГ-ын Нийтийн хэв журам хамгаалах олон нийтийн аюулгүй байдлыг хангах албаны дарга П.Эрдэнэбат, “Шинэ коронавирусийн халдвараас урьдчилан сэргийлэх зорилгоор УОК, Засгийн газрын шийдвэр гарч, цагдаа дотоодын цэргийн байгууллагууд өндөржүүлсэн бэлэн байдлын зэрэгт ажиллаж байна.
УОК-ын хуралдаанаас гарсан шийдвэрийн дагуу 2020 оны хоёрдугаар сарын 23-ны 08:00 цагаас 27-ны өглөөний 08:00 цаг хүртэл улс, хот хоорондын зорчигч тээврийн хөдөлгөөнийг хааж, хязгаарлана. 51 цэгт цагдаагийн байгууллагаас хяналт шалгалтыг холбогдох мэргэжлийн байгууллагуудтай хамтран хийнэ. Зам хаах шийдвэртэй холбоотойгоор иргэд та бүхэн баталгаагүй зам, замгүй газар, уул хадаар зорчиж гэр бүлдээ эрсдэл учруулахгүй байхыг зөвлөж байна. Ойрын өдрүүдэд ихэнх нутгаар цасан шуурга шуурч, халтиргаа гулгаа үүсэн замын нөхцөл байдал хүндэрч болзошгүй байгааг сэрэмжлүүлье. Өргөн дэлгэр золголт хийхгүй байх, уул хаданд гарахгүй байхыг анхааруулж байна” гэв.