Улсын их баяр наадмыг угтан хотын гудамжинд шинэ өнгө төрхийг нэмэх тохижилтын ажлууд хийгдсээр байна. Өнгөрсөн удаад гэрэлтүүлгийн шонгуудыг гэгээлэг өнгөөр, траншейны тагнуудыг инээмсэглэж буй хүний дүрс/smile/-ээр чимсэн нь олны талархлыг хүлээсэн юм. Тэгвэл Улаанбаатар хотын Захирагчийн ажлын албанаас залуу хосууддаа зориулан “Хайрын төгөл” байгуулсан байна.
Баруун дөрвөн замд байрлах энэхүү “Хайрын төгөл”-ийн үүдэнд хайрын бурхан Амур сахиусан тэнгэр байрлах бөгөөд сахиусан тэнгэр залуу хосыг хөтлөн оруулах билэгдэлтэй аж. Харин зүрх болон гацуур хэлбэртэй модонд хосууд үүрдийн хайр дурлалаа бататган цоож зүүх боломжтой.