Барилгын салбарын ханган нийлүүлэгчид болоод хэрэглэгчдийг нэгэн дээвэр дор нэгтгэх, уг салбарын бодлого, зорилтыг олон нийтэд танилцулах, гадны хөрөнгө оруулалт татах зорилго бүхий “BARILGA EXPO- 2018” олон улсын үзэсгэлэн Мишээл экспо төвд үргэлжилж байна.
Энэ сарын 27-нд эхэлсэн уг үзэсгэлэнд Монгол, ОХУ, БНХАУ, Чех, Итали, Польш, Турк, Япон, Солонгос зэрэг орны барилгын салбарт дэвшилтэт технологи, тоног төхөөрөмж нийлүүлэгч, цахилгаан болон сантехникийн хэрэгсэл үйлдвэрлэгч 300 гаруй аж ахуйн нэгж оролцож байгаа юм. Тухайлбал, Францын алдарт Легранд брэндийн албан ёсны түнш “Топологи” компани бүтээгдэхүүндээ 10 хувь, Түүнчлэн ОХУ, ХБНГУ, Норвеги, Белги, Англи, Тайвань зэрэг орноос цахилгааны төрөл бүрийн залгуур болон халаагуур зэрэг бүтээгдэхүүнээ 10-20 хувийн хямдралтай үнээр борлуулж байна. Мөн “Хараа сүмбэр” компанийн Жоби барилгын материалын дэлгүүр бүх бүтээгдэхүүндээ 10 хувийн хямдрал зарлав.
Мөн үзэсгэлэнгийн үеэр “VISION Групп” компанийн захирал Э.Энхбат “Брэндийн үнэ цэнэ сэдвээр сургалт явуулахаас гадна “Барилгачин групп”-ээс амины орон сууц барих гэж буй иргэдэд зориулан барилгын материалын чанар, үнийн талаар зөвлөгөө өгөх юм. Түүнчлэн Нийслэлийн хөрөнгө оруулалтын газраас энэ онд хийх томоохон бүтээн байгуулалтын талаар нээлттэй мэдээлэл өгнө.
Үзэсгэлэн маргааш буюу энэ сарын 29-ны 19.00 цаг хүртэл үргэлжилнэ.