Байшингийн дээвэр нурж, хүн дарагдаж нас барсан хэрэг Баян-Өлгий аймагт гарчээ. Тус аймгийн Өлгий сумын Бөхөн-Уул багийн “Бөхөн-Уул”-ын задгайд иргэн 33 настай эрэгтэй Э зургадугаар сарын 28-ний өдрийн 10:00 цагт 10х9 метр хэмжээтэй хувийн байшин барьж байх явцад дээврийн хэсэг нурж дарагдсан байна. Ослын тухай дуудлагыг тус өдрийн 10:27 цагт хүлээн авч аймгийн Онцгой байдлын газрын Гал түймэр унтраах, аврах 31 дүгээр ангийн 7 алба хаагч, нэг автомашинтай 10:31 цагт очсон аж. Хэргийн газарт таван минут ажиллан цогцсыг гарган авч, цагдаагийн байгууллагад шилжүүлэн өглөө гэж ОБЕГ-аас мэдээллээ.