УИХ-ын Байгаль орчин, хүнс хөдөө аж ахуйн байнгын хорооны хуралдааныг өнөөдөр 14.00 цагт зарласан. Гэвч гишүүдийн ирц бүрдэхгүй байгаан улмаас одоо хүртэл хуралдаан эхлээгүй байна. Бүртгүүлсэн гишүүдийн ирц 31.6 хувьтай байгаа юм.
Хэрвээ ирц хуульд заасан хэмжээнд буюу 51 хувьд хүрвэл тус байнгын хороогоор Ноён уулыг улсын тусгай хамгаалалтад авах тухай асуудал хэлэлцэнэ. Эл асуудлыг байнгын хороо хоёр долоо хоногийн өмнөөс хэлэлцэхээр төлөвлөж байсан ч гишүүдийн ирц бүрдэхгүйгээс удаа дараа хойшлоод буй. Гацууртын ордыг ашиглахтай холбоотойгоор Ноён уулыг улсын тусгай хамгаалалтад авах асуудал орж ирсэн.
Мөн байнгын хороогоор Тариалангийн тухай хуулийн төслийг хэлэлцэхээр төлөвлөсөн юм.У ИХ 20 хүрэхгүй шахам хоногийн дараа намрын чуулганаа завсарлуулна. Тиймээс энэ долоо хоногоос эхлэн ажлаа шахаж өнөөдөр байнгын хороо, маргааш чуулганы хуралдуулахаар төлөвлөөд байна.