Өнөөдрийн чуулганы хуралдаанаар УИХ дахь МАН-ын бүлгийн саналаар УИХ-ын чуулганы хуралдааны дэгийн тухай хуулийн холбогдох заалтуудыг үндэслэн УИХ-ын гишүүн Л.Элдэв-Очирыг Эдийн засгийн байнгын хорооны бүрэлдэхүүнээс чөлөөлж, УИХ-ын гишүүн Ц.Гарамжавыг тус байнгын хорооны бүрэлдэхүүнд нэмлээ. Байгаль орчин хүнс, хөдөө аж ахуйн байнгын хорооноос УИХ-ын гишүүн Ц.Гарамжав, Д.Цогтбаатар нарыг чөлөөлж, тус Байнгын хорооны бүрэлдэхүүнд Ч.Улаан, Ж.Бат-Эрдэнэ нарыг, УИХ-ын гишүүн Л.Оюун-Эрдэнийг Хууль зүйн байнгын хороонд тус тус нэмэхийг хуралдаанд оролцсон гишүүдийн олонх дэмжсэн юм.