Байнгын хороодын хуралдаанаар үдээс өмнө
Засгийн газрын зарим гишүүнийг огцруулах асуудлыг хэлэлцэв. Төрийн байгуулалтын
байнгын хорооны хуралдаанаар Шадар сайд У.Хүрэлсүх, Төсвийн байнгын
хороогоор Сангийн сайд Ж.Эрдэнэбат, Нийгмийн бодлого, боловсрол,
соёл, шинжлэх ухааны байнгын хороогоор Хөдөлмөрийн сайд С.Чинзориг, Эдийн засгийн байнгын хороогоор Зам
тээврийн сайд Н.Төмөрхүү, Барилга, хот байгуулалтын сайд Д.Цогтбаатар нарыг үүрэгт ажлаас
нь чөлөөлөхийг дэмжсэн. Тэгвэл үдээс хойш Байгаль орчин, хүнс, хөдөө аж ахуйн байнгын хорооны хуралдаанаар Байгаль орчин, ногоон хөгжлийн сайд
Д.Оюунхоролыг огцруулахыг гишүүдийн олонх дэмжив. Одоо УИХ-ын ээлжит бус чуулган МАН-ын
сайдуудыг үүрэгт ажлаас нь чөлөөлөх тогтоолыг хэлэлцэж шийдвэрлэнэ.