Энэ зун олон жилийн дунджаас 0.5-1.5 хэмээр илүү халах төлөвтэй байна. Ойрийн хоёр хоногийн цаг агаарын байдлыг авч үзэхэд бороо орохгүй, салхи секундэд 5-10 метр хүрч, шороон шуурга шуурна. Энэ байдал энэ сарын 19-ныг хүртэл үргэлжлэх бөгөөд 19-нөөс салхины хурд нэмэгдэж, шороон шуурга шуурч хурд тунадас орно. Цаашдаа ихэнх нутгаар сэрүүн байх төлөвтэй.
УЛААНБААТАРТ: Маргааш буюу лхагва гарагт өдөртөө 32 хэмийн дулаан, шөнөдөө 14 хэм байна. 19нд агаарын хэм буурч үүлэрхэг байна. Мөн сарын сүүлчээр хур тунадас орно.
Баруун аймгуудын нутгаар: 17-нд нутгийн хойд хэсгээр, 19-нд нутгийн баруун хэсгээр, 20-нд Хангайн уулсаар бага зэргийн хур тунадас орно.
Төвийн аймгуудын нутгаар: 18-19нд нутгийн хойд хэсгээр, 20-нд Хангайн уулархаг нутгаар, 21-нд зарим газраар бага зэргийн хур тунадас орно. Салхи 18-19-нд зарим газраар 14-16 м/с хүрч зөөлөн шороон шуурга шуурна. Цаашдаа ихэнх нутгаар сэрүүснэ.
Зүүн аймгуудын нутгаар: 18-19-нд нутгийн хойд хэсгээр, 21-нд нутгийн баруун хэсгээр бага зэргийн хур тунадас орно. Салхи 18-нд ихэнх нутгаар 18-20 м/с, бусад хугацаанд зарим газраар секундэд 12-14 метр хүрч шороон шуурга шуурна. 15-18нд ихэнх нутгаар хална.
Говийн аймгуудын нутгаар: 21-нд зарим газраар бага зэргийн бороо орно. Салхи 17-20-нд ихэнх нутгаар 14-16 м/с, 18-нд зарим газраар 18-20м/с хүрч шороон шуурга шуурна. Цаашдаа бага зэрэг сэрүүснэ.
Б.УЯНГА