ЭМЯ-ны хэвлэлийн хурлын үеэр тус яамны Гадаад харилцаа, хамтын ажиллагааны газрын дарга Б.Янжмаа мэдээлэл хийлээ. Тэрбээр, “Итали, Испани, Франц, Их Британи улсад нас баралт өндөр байна. Испани улсад өнгөрсөн 24 цагт 510 хүн “COVID-19”-ийн улмаас нас барсан нь өнгөрсөн сарын 23-наас хойшхи хамгийн бага үзүүлэлт боллоо. ОХУ-д бямба гарагт 1000 гаруй шинэ тохиолдол бүртгэгдсэн. Тиймээс ирэх долоо хоногийн лхагва гарагаас эхлэн Москва хотын иргэд ажилдаа явах, дэлгүүр орох зэргээр гэрээсээ гарахдаа заавал зөвшөөрлийг бичиг авсан байх дэглэм хэрэгжиж эхлэх болжээ” гэв.