Германы Мюнхен хотноо болсон Баварийн кино наадмаас Монголын уран бүтээлч Б.Үйсэнмаа “Намайг битгий ингэж хар” киногоор “Шилдэг залуу найруулагч”-ийн шагнал хүртжээ. Б.Үйсэнмаа киногоо найруулахын зэрэгцээ Хэди хэмээх гол дүрийн бүсгүйн дүрд тоглосон байна. Энэ кинонд эмэгтэйчүүд болон тэдний өнөөгийн дүр төрх, зан араншин, амьдралын мөн чанар, дотоод ертөнцийг илэн далангүй илэрхийлэхийг зорьжээ.
“Намайг битгий ингэж хар” кино Испанийн Таррагона хотод болсон кино наадмаас “Өвөрмөц санаа” шагнал хүртсэн байна. Кино гуравдугаар сард Германд нээлтээ хийх юм байна.
С.АРИУН
