Монгол Улсын Төрийн шагналт нэрт зохиолч, нийтлэлч, “Өдрийн сонин”-ы Нэгдүгээр орлогч эрхлэгч Бямбажавын Цэнддоо “XXI зууны Монгол: Тоглоомын улсаас тоглоомон улс” нийтлэлээ сониныхоо маргаашийн дугаарт нийтэлж байна.
Энэ нийтлэлийн зарим онцлох хэсгээс эшилж, сонирхуулбал, “Монгол дахь улс төрийн бүлэглэлүүдийг хэзээд, хэнтэйгээ ч очоод нийлж мэдэх хэсгүүд бүрдүүлдэг”, “Тусгаар тогтнолыг унагая гэвэл эдийн засгийг нь унага”, “Яг нарийндаа, хятадуудаас даалгавар аваад, Оросын талаас чиглэл сонсоод байгаа хүн монгол маягийн “түр засаг” дотор үгүй л болов уу. Харин сонирхогч талууд бидний үндэсний онцлог дээр тоглосон байх магадлалтай” гэх зэргээр бичжээ. Улмаар тоглоомын улсаас тоглоомон улс болоод буй бидний өмнө нэг мухардал, хоёр зам байгааг нийтлэлд өгүүлсэн бий. Дэлгэрэнгүйгээр нь “Өдрийн сонин”-ы маргаашийн дугаараас хүлээн авч уншаарай.
Дашрамд сануулахад, уншигчид та бүхэн “Монгол шуудан”, “Түгээмэл шуудан”, “Улаанбаатар” шуудангийн салбаруудад хандаж, “Өдрийн сонин”-ыхоо хоёрдугаар улирлын захиалгыг өгч болно.