Азийн наадмын эрэгтэйчүүдийн марафон гүйлтийн тэмцээн өндөрлөж байна. Улаанбаатарын цагаар 08.00 цагт эхэлсэн тус тэмцээнд 19 тамирчин гараанаас гарснаас Бахрайны тамирчин Али Хасан Манбүүб 2:12:38 цагийн амжилтаар түрүүлсэн бол Японы тамирчин Матцумура, Каваучи нар мөнгө, хүрэл медаль хүртлээ. Монгол Улсын Гавьяат тамирчин Б.Сэр-Од 2:06:13 цагийн амжилтаар барианд орж, IV байрт шалгарсан амжилтыг үзүүлэв. Тэрээр 30 км-ээс эхлэн уралдааныг тэргүүлж байсан бөгөөд сүүлийн хоёр км-т арын тамирчдад баригдсанаар медалиас мултарлаа.
Мөн Б.Гантулга 2:20:54 цагийн амжилтаар IX байрт шалгарсан бол дөрвөн тамирчин замаа дуусгаагүй байна.