Өнөөдөр Риогийн олимпод оролцох тамирчдыг үдэх үеэр паралимпийн наадамд оролцох спортын мастер, байт харвааны тамирчин Б.Оюун-Эрдэнэтэй товчхон ярилцлаа
-Танд хүн төрөлхтний их баяр цэнгэл болсон олимпийн наадамд оролцохоор явж байгаад юуны өмнө баяр хүргэе. Энэ мөчид төрж буй сэтгэгдлээсээ хуваалцахгүй юу?
Сэтгэгдэл маш өндөр байна. Миний хувьд хоёр дахь олимпдоо явах гэж байна. Олимпоос медаль авахын төлөө л явж байна.
Та хэд дэх жилдээ энэ спортын төрлөөр хичээллэж байна вэ?
-Би парабайт харвааны төрлөөр 13 жил хичээллэж байна. Хэдий тахир дутуу болсон ч сэтгэлээр унахгүй бусдын л адил амьдралдаа ч, спортдоо ч амжилт гаргана гэж боддог доо.
-Өрсөлдөгч бусад орны тамирчдын тухайд юу хэлэх вэ?
-Энэ тэмцээнд маш олон орны шилдэг тамирчид оролцдог. Ер нь бол бүх орны тамирчид миний өрсөлдөгч байгаа. Хүчтэй гэвэл Иран, Хятадын тамирчдыг нэрлэж болно.
-Та бүхнийг ер нь уралдаан тэмцээнд оролцоход төр засгаас хэр дэмждэг вэ?
-Олимпод оролцоход болон ер нь бүх уралдаан тэмцээнд ороход төр засгаас олон талаар тусалж байгаа. Үүнд нь маш баярлаж явдаг даа. Анх манай нэг багш анх энэ спортод оруулж байлаа. Энэ дашрамд, багшдаа одоо болтол баярлаж явдгаа хэлмээр байна.
О.ӨНӨР