Оюутолгойн далд уурхайн бүтээн байгуулалтын санхүүжилтийн гэрээ буюу Дубайн гэрээний асуудлаар “Эрдэнэс Монгол” компанийн гүйцэтгэх захирлаар ажиллаж байсан Б.Бямбасайханыг АТГ-аас гэрчийн мэдүүлэг авахаар дуудаж баривчлаад хоёр сар өнгөрч байна.
Уг асуудлаар өнөөдөр түүний өмгөөлөгч Н.Цог Нийслэлийн прокурорт очиж мэдээлэл хийнэ гэсэн ч тодорхой шалтгааны улмаас өмгөөлөгч нь мэдээллээ хойшлуулсан байна. Б.Бямбасайханыг өнгөрсөн 4 дүгээр сарын 1-ний ням гарагт гэрчээр мэдүүлэг авна хэмээн дуудаж АТГ-аас баривчлан ШШБЕГ-ын харъяа 461 дүгээр ангид хорьж байгаа юм.