Өнгөрсөн сарын 30-нд Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг АТГ-аас баривчлан хорьсон. Түүнтэй хамт Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирал Ли Жон Гёлыг мөн баривчлан хорьсон билээ.
Тэгвэл тэднийг цагдан хорих хугацааг сунгах эсэхийг Эрүүгийн хэргийн анхан шатны шүүхэд хэлэлцэж Солонгосын “Самсунг С&Т” компанийн захирал Ли Жон Гёл 13.00 цагийн үед батлан даалтад гаргасан байна. Харин Б.Батзаяаг батлан даалтад гаргах эсэхийг нэлээд удаан хэлэлцэж 17.00 цагийн үед батлан даалтад гаргажээ.