“МОНЦАМЭ” агентлагийн мэдээллийн төвд “Граунд Гольф”-ийн Азийн аварга шалгаруулах тэмцээний зохион байгуулагчид мэдээлэл хийлээ.
Олон улсын Граунд Гольфийн холбооны календарьчилсан төлөвлөгөөний дагуу зургадугаар сарын 29,30-ны өдрүүдэд Нийслэлийн Засаг даргын нэрэмжит Граунд Гольфийн Ази тивийн аварга шалгаруулах анхдугаар тэмцээнийг зохион байгуулах юм.Монгол УлсадГраунд Гольфийн спортыг хөгжүүлэн дэлгэрүүлж бүх нийтийн хүртээл болгох зорилгоор энэхүү тэмцээнийг Нийслэл, дүүргийн Засаг даргын Тамгын газар, Засгийн газрын хэрэгжүүлэгч агентлаг Биеийн тамир, спортын газар, Монголын мастеруудын БТСХ, Монголын Үндэсний Граунд Гольфийн холбоо хамтран зохион байгуулна.
Граунд Гольфийн Ази тивийн аварга шалгаруулах тэмцээнд дүүрэг тус бүрээс30 хүн буюу нийт 240 хүн, 10 аймгаас 100 хүн, гадаадын 12 орноос 70 хүн бүгд 410 хүнийг оролцуулан “Чингис Хааны хүрээ” цогцолборт дөрвөн талбай, найман үүрэнд тоглолтыг явуулахаар болжээ.
Энэ спорт нь одоогоос 35 жилийн өмнө Япон улсын Тоттори мужийн Юрихама хотод үүссэн бөгөөд сүүлийн үед асар хурдацтай тархан хөгжиж буй спортын шинэ төрөл юм. 2021 онд Япон улсад болох Дэлхийн мастеруудын их наадмын хөтөлбөрт граунд гольфийн спорт албан ёсоор ороод байна. Гранд Гольф нь ихэвчлэн оюуны хөдөлмөр, бизнес эрхэлдэг хүмүүс болон өндөр настнууд зэрэг хөдөлгөөн шаардлагатай хүмүүст илүү тохиромжтой. Энэ спортоор хичээллэхэд тусгайлан зассан талбай шаардагдахгүй, цохиур хэрэгслийн хувьд хямд, тоглоомын дүрэм энгийн, хамгийн гол нь хүний орүүл байх үндэс болсон хөдөлгөөн, хамт олны орчин зэрэг анхдагч хэрэгцээг хангаж өгдөг тул олон мянган хүмүүс сонгон хичээллэж, сонирхож байна.
Австрали, Шинэ Зеланд, Бразил, Аргентин, Хятад, АНУ, ОХУ, Польш, Унгар, Монгол зэрэг улсуудад гранд гольфыг сонирхогч, хичээллэгч нарын тоо эрс өссөн байна.
Б. Алтантуяа