Өнгөрсөн долоо хоногийн мягмар гаригийн 11.00 цагийн үед Нийслэлийн Баянзүрх дүүрэг, Шар хадны эцсийн автобусны буудал, эмнэлгийн урд замын зорчих хэсэгт “Улаанбаатар сити такси” ХХК-ийн автомашин шатсан хэрэг гарчсан байна. Дуудлагыг наймдугаар сарын 21-ний өдрийн 11:46 цагт хүлээн авч, тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 6 алба хаагч, 1 автомашинтай ажиллаж унтраажээ. Тодруулбал, “Улаанбаатар сити такси” компанийн жолооч Б-гийн 12-43 УНН улсын дугаартай “Элентра” загварын такси юм байна.
Мөн өчигдөр Увс аймгийн Тариалан сумын Хартолгой багийн “Бор толгой” гэдэг газар /аймгийн төвөөс урд зүгт 24 км-т/ иргэн Б-гийн өвс ачиж явсан 47-98 УВА улсын дугаартай “УАЗ фургон” загварын автомашин шатаж байсныг аврагчид шуурхай ажиллан унтраажээ.