Дорнод аймгийн Онцгой байдлын газраас санаачлан бүтээсэн “Аврагчийн гараас-Амьдрал цэцэглэнэ” хөшөөт цогцолборын нээлт боллоо.

Нээлтийн ажиллагаанд ОБЕГ-ын дэд дарга, хурандаа Ц.Ганзориг, НОБГ-ын дарга, хурандаа Ж.Чүлтэмсүрэн, “Аврагч” биеийн тамир, техник спортын хорооны дарга, хурандаа Г.Эрхэмбаяр болон бүсийн төвүүдийн дарга, удирдлагууд оролцсон юм.

Дорнод аймгийн төв Хэрлэн сумын “Найрамдал” цэцэрлэгт хүрээлэнд сүндэрлүүлсэн тус хөшөөг албан үүргээ гүйцэтгэж яваад амь үрэгдсэн баатруудынхаа гэгээн дурсгалыг хүндэтгэж, үе үеийн аврагч, гал сөнөөгчдийг алдаршуулах, баатарлаг үйлсийг нь ард иргэдэд сурталчлах, шинэ үеийн залууст эх оронч үзлийг төлөвшүүлэх зорилгоор бүтээсэн юм гэж Онцгой байдлын ерөнхий газраас мэдээллээ.

ОБЕГ-ын харъяа “Аврагч” биеийн тамир, техник спортын хорооноос төв, орон нутгийн Онцгой байдлын газар, хэлтэс, анги байгууллагын алба хаагчдийн дунд зохион байгуулж буй спортын аварга шалгаруулах тэмцээн энэ сарын 18-19-ний өдрүүдэд Дорнод аймагт болно.

Тус тэмцээнд нийт 15 багийн 300 орчим тамирчин хурд хүч, авхаалж самбаагаа сорин өрсөлдөнө.

Мөн энэ үеэр Дорнод аймгийн Онцгой байдлын газраас санаачлан байгуулж байгаа “Аврагчийн гараас-Амьдрал цэцэглэнэ” хөшөөт цогцолборын нээлт болох юм.

Албан үүргээ гүйцэтгэж аваад амь үрэгдсэн баатруудынхаа гэгээн дурсгалыг хүндэтгэж, үе үеийн аврагч, гал сөнөөгчдийг алдаршуулах, баатарлаг үйлсийг нь ард иргэдэд сурталчлах, шинэ үеийн залууст эх оронч үзлийг төлөвшүүлэх зорилгоор бүтээж буй тус хөшөө Дорнод аймгийн төв Хэрлэн сумын “Найрамдал” цэцэрлэгт хүрээлэнд сүндэрлэнэ.

Түүнчлэн хөшөөг босгох хандивын аян үргэлжилж байгаа бөгөөд та сэтгэлийн хандиваа өргөх бол Хаан банкны 5422227096 тоот дансанд хандивыг хүлээж авч байна хэмээн Дорнод аймгийн Онцгой байдлын газраас мэдээллээ.