“Авьяаслаг Монголчууд” шоунд амжилттай оролцож хоёрдугаар байрт шалгарсан шилдэг оролцогч Б.Шижирбат энэ удаа “Авьяаслаг азичууд” шоунд оролцож байгаа билээ. Шинэлэг, содон, бүтээлч үзүүлбэр, лазер гэрэл бүжиг хосолсон үзүүлбэрээрээ үзэгчдийг гайхуулж ирсэн тэрбээр “Алтан баззер”-ын эзэн болсноор шууд хагас шигшээ шатанд шалгарсан. 10 дугаар сарын 12-ноос цацагдаж эхэлсэн шоуны хагас шигшээгийн санал хураалт өнөөдрөөс эхэлж байна.
Үзэгчдийн санал хүлээж авах шугам Монголын цагаар 20:30 цагаас нээгдэх бөгөөд энэ санал манай оролцогчийг дараагийн шатанд шалгарч үлдэхэд чухал үүрэгтэй. Тиймээс уншигч та бүхэн “Facebook” болон “Google Account”-аас өгөх боломжтой. Нэг хэрэглэгч өдөрт 10 санал өгөх эрхтэй. Санал авах хугацаа дөрөв хоног буюу 11 дүгээр сарын 19-ний 23:59 цаг хүртэл үргэлжилнэ. “Facebook” болон “Google account” хаягтай хүмүүс энэ хоёр хаягаараа нийт 80 санал өгөх боломжтой.