Author: БАЯРХҮҮГИЙН АМАРТҮВШИН

Categories
мэдээ нийгэм онцлох-нийтлэл туслах-ангилал

Г.Батсүх: Ирэх хавраас орон сууцны үнэ өснө

Сошиал орчинд “BARILGA EXPO 2018” орон сууц, ногоон барилгын олон улсын үзэсгэлэнгээс шинэ орон сууцнуудын үнэ ханшийг харьцуулж ипотек болон компанийн хувь зээл, шинэ дэвшилтэт техник технологийг танилцуулна гэсэн мэдээлэл гарав. Тиймээс энэхүү үзэсгэлэнг сурвалжлахаар Мишээл экспо төвийг зорилоо.

Үзэсгэлэнд ирэхэд хөл хөдөлгөөн ихтэй байлаа. Энэ жил 100 гаруй компани энэхүү үзэсгэлэнд оролцож байгаа юм. Мөн худалдан авагчид их ирсэн бололтой. Үзэсгэлэн нээлтээ хийж шанз гурав хамтлаг өөрсдийн үзүүлбэрээ үзүүлж дараа нь тууз хайчлах ёслол болов.

-ҮЗЭСГЭЛЭН ЭНЭ САРЫН 6-ЫГ ХҮРТЭЛ ҮРГЭЛЖЛЭНЭ-

Нээлтийн дараа тус үзэсгэлэнг зохион байгуулагч Г.Батсүхтэй хэсэг хором ярилцлаа. Тэрээр “Энэ жил эдийн засаг харьцангуй сэргэсэнтэй холбоотойгоор бүтээн байгуулалтын ажил ихээхэн хийгдэж эхэлж байна. Мөн эдийн засгийн өсөлттэй холбоотой ард иргэдийн орон сууц авах эрэлт тодорхой хэмжээгээр нэмэгдэж байна. Энэ үзэсгэлэн яармагт орон сууц борлуулж байгаа хэрэгжүүлж байгаа компаниуд оролцож урамшуулалтай худалдааг явуулж байгаа. Мөн ногоон барилгын чиглэлээр үйл ажиллагаа явуулдаг, амины орон сууцын чиглэлээр үйл ажиллагаа явуулдаг компаниуд оролцож эрчим хүчний хэмнэлттэй барилгын материал бүхий амины орон сууцаа танилцуулж байна.

-Орон сууцын эрэлт, нийлүүлэлт хэр байна вэ?

-Өнгөрсөн хоёр жилд орон сууцны нийлүүлэлт эрс буурсан. Барилгын салбарт жилд 10-15 мянга орчим орон сууц зах зээлд нийлүүлэгддэг байсан бол өнгөрсөн онуудад энэ тоо эрс буурч буусан байгаа. Харин эсрэгээрээ эрэлт нэмэгдэж байна. Орон сууцны үнэ 2014 оноос тасралтгүй буурсан. Энэ хавраас орон сууцны үнэ өсөх хандлагатай байна. Яагаад гэвэл зах зээл дээр борлуулагдаж байгаа барилгын үндсэн материалууд болох арматур, цемэнт, цахилгаан сан гэх мэт импортоор авдаг материалуудын үнэ өсөж байгаа. Тиймээс орон сууцыг одоогоос бага үнээр барих боломжгүй болж байна.

-Үзэсгэлэнд буй орон сууцууд ипотекийн зээл олгож байгаа юу?

-Өнөөдөр үзэсгэлэнд оролцож байгаа компаниуд ипотекийн зээл олгож байгаa. Арилжааны банк оролцоод ипотекийн зээл, эрчим хүчний хэмнэлттэй барилгын зээлийг олгож байна. Эдгээр нь арилжааны банкиудаас харьцангуй бага хувийн хүүтэйгээр хувь зээлийн үйлчилгээ, бартерийн үйлчилгээ, компаниуд өөрсдөө мөн ипотекийн бага хүүтэй зээлийг олгож байгаа.

-Үзэсгэлэнгийн гурван хоногийн турш хамгийн хямд үнэ буюу супер хямдралыг зарлачихсан. Үзэсгэлэнгээс орон сууц авч байгаа иргэдэд хямд орон сууц авах боломжийг олгож байгаа. Үзэсгэлэнд оролцож компаниудын хувьд хамгийн доод үнэ нь м.кв нь нэг сая 350 мянган төгрөгтэй байна. Энэ нь өнгөрсөн жилээс харьцангуй бага үнэ гэв.

Мөн тэрээр “Энэ жил оролцогчдын тоо эрс нэмэгдсэн. Эрэлт нэмэгдсэнтэй холбоотой компаниудын борлуулалт нэмэгдэж байна. Тиймээс барилга бүтээн байгуулалтын ажил нилээн өрнөх хандлагатай байгаа” гэж онцлов.

Нээлтийн дараа үзэсгэлэнд оролцож буй компаниудтай танилцлаа. Ихэнхи орон сууцууд 10-30 хувийн урьдчилгаа төлбөртэй зээлийг санал болгож байв. Харин борлуулагчид хувь лизинг санал болгож байсан юм. Энэ нь 2-5 жилийн хугацаатай аж. Мөн төлбөрт үл хөдлөх хөрөнгөөр бартер хийж болно гэв.

-УРЬДЧИЛГАА ТӨЛБӨРТ НЬ БАЙР МАШИНАА ОРОЛЦУУЛЖ БОЛНО-

Зайсанд байрлалтай “Энхжин” хотхон нь бүсчлэлээсээ болж үнэ нь тогтуун байна. Тус хотхон нь худалдан авагчдаа найман хувийн зээлийг олгож байгаа юм. Үнэ нь хоёр сая 200 мянгаас хоёр сая 400 мянган төгрөгийн хооронд байна. Урьдчилгаа төлбөрт нь байр машинаа оролцуулаад Голомт банк болон аль нэг банкны найман хувийн зээлд хамрагдах боломжтой аж. Мөн өөрсдийн байраа тавиад урьдчилгаа 30 хувиа төлөлгүйгээр зээлд хамрагдах боломжтой юм гэдгийг тус хотхоны борлуулалтын менежэр Б.Адьяадорж ярилаа.

Дашрамд сонирхуулахад “Дулаан байр” төслийг хэрэгжүүлэгч “Эм эй ти” прожект компаин ICF технологи бүхий ханатай байшин барьж байгаа юм байна. Энэ талаар тус компаний гүйцэтгэх захирал Э.Батбилэг “Манай байгууллага дулаан байшин төслийг хэрэгжүүлж эхэлж байна. Иргэд байшин худалдаж авахад маш их зардал гардаг. Худалдаж авсан байшин нь өвөл нь хүйтэн их зардлаар халдаг. Үүнээс улбаалан байшинтай болсны утга учир нь алдагддаг. Бидний хийж байгаа төсөл үүний эсрэг байгаа. Манай байшингийн давуу тал ньдулаан алдагдалгүй. Энэ нь ямар ч зардлаар байшингаа халаасан дулаан маш бага алдах юм. Мөн зун нь сэрүүхэн гэдгийг онцлох хэрэгтэй.

Манай компани энэ сарыг дуустал байшингуудаа м.кв-ын сая 200 мянган төгрөгөөс сая төгрөг болгож хямдруулсан. Мөн 10 сая төгрөгийн гаражийг нь үнэгүй барьж өгч байгаа. Байшингуудынхаа хэмжээнээс хамаарч 1-2 сарын хугацаанд барьдаг. Байшингын хийцийн хувьд хоёр хэв хашмал дунд дулаалгаа хийгээд арматурчлаад битоноо зутгаж бүрэн цутгамал хана хийдэг. Сүүлийн үед дэлхий нийтээрээ ICF буюу энэ технологиор хийж байна. Манай компани Монгол дахь загварыг нь хийж байгаа гэсэн үг.

Та байшингаа зээлээр авах боломжтой. Голомт, Хас банкны 10 жилийн хугацаатай 8 хувийн зээл бий. Үл хөдлөх хөрөнгө барьцаалбал банкнаас 100 хувь урьдчилгааг нь өгч зээлд хамруулна гэлээ.

“BARILGA EXPO 2018” орон сууц, ногоон барилгын олон улсын үзэсгэлэнөнөөдөр дуусч буй тул та бүхэн яараарай.

Б.АМАРТҮВШИН





Categories
мэдээ соёл-урлаг

“Оскар”-ын шагнал гардуулах ёслол болж байна

90th academy awards\ зурган илэрцүүдЯг одоо Лос Анжелес хотын “Долби” театрт кино урлагийн шилдгүүдийг тодруулдаг 90 дэх удаагийн “Оскар”-ын шагнал гардуулах ёслолын ажиллагаа үргэлжилж байна. Энэ жилийн “Оскар”-ын шагнал гардуулах ёслолыг нэрт хөтлөгч Жимми Киммел хөтөлж буй юм. “Оскар”-ын хамгийн олон номинацид Мексикийн кино найруулагч Гильермо Дель Торогийн найруулсан уран зөгнөлт, драм төрлийн “The Shape of Water” кино 13 төрөлд нэр дэвшсэн байна.

shape of water зурган илэрцүүд

Өнгөрсөн оны Оскарын шагнал гардуулах ёслолын үеэр шагналын эзний нэртэй дугтуйг сольж, уран бүтээлчдийг эвгүй байдалд оруулж байсан юм.Тодруулбал Уорен Бэтти, Фай Данэвэй нар шилдэг киноны шагналыг “Moonlight” бүтээлд олгох байсныг “La La Land” хэмээн алдаатай зарлаж байв. Дараах зурган дээр алдааг залруулж байгаа агшныг харуулж байна. Тэр үед дугтуй үнэхээр будилахуйц, тодорхойгүй нэр хаягтай байсныг харж болно.

Ёслолын ажиллагааг зохион байгуулагчид энэ удаад алдаагаа дахин давтахгүйн тулд өвөрмөц арга хэмжээ авсан байна. Шагналын эзний нэртэй дугтуй дээр Оскарын шагналын төрлийг маш том үсгээр бичдэг болжээ.Хамгийн эхний шагнал болох шилдэг хувцасны шагналын дугтуйг Эва Мэри Сэйнт барин тайзнаа гарч ирэх үед хүмүүс энэ өөрчлөлтийг анзаарч, сошиал сүлжээнд мэдээлж эхэлсэн байна. Мэргэжилтнүүд дугтуйн дээрх төрлийн нэрийг 72pt хэмжээтэй фонтоор бичсэн гэж тодорхойлжээ.

“Оскар”-ын хамгийн анхны шагналын эзнээр жүжигчин Сэм Рокуэлл тодорлоо. Тэрбээр “Three Billboards Outside Ebbing, Missouri” киноны дүрээрээ “Шилдэг туслах эрэгтэй” номинацийн эзэн болов. Харин “Шилдэг туслах эмэгтэй” номинацийн эзнээр “I, Tonya” кинонд тоглосон дүрээрээ жүжигчин Эллисон Жейнни хүртлээ. Тэрбээр анх удаагаа алтан хүний эзэн болж буй юм.

“Шилдэг дууны найруулга” төрөлд “Dunkirk” киноны дууны найруулгыг хийсэн Ричард Кинг, Алекс Гибсон нар ялалт байгууллаа. Ричард Кинг өнгөрсөн оны “Оскар”-ын шагнал гардуулах ёслолд мөн уг төрөлд ялагч болж, алтан хүний эзэн болж байсан юм.

“Шилдэг баримтат кино” номинацид “Icarus” баримтат кино тодорч, “Оскар”-ын эзэн боллоо. Уг уран бүтээлд тамирчид сэргээш хэрэглээд карьертээ хэрхэн хар толбо үүсгэж буй талаар гардаг юм.

“Шилдэг богино хэмжээний анимейшн” номинацийн эзнээр бүх цаг үеийн хамгийн шилдэг сагсчдын нэг Коби Брайнтын бүтээсэн “Хүндэт сагсан бөмбөг минь” анимейшн ялалт байгууллаа.


Б.АМАРТҮВШИН

Categories
мэдээ соёл-урлаг

Фото сурвалжлага: Монголын уран зургийн сонгодог бүтээлүүд

Монгол Ардын Намын үүсгэн байгуулагдсаны 97 жилийн ой “Эх орончдын өдөр”-т зориулсан “Монголын сонгодог бүтээлүүд” уран зургийн үзэсгэлэн Монголын уран зургийн галерейд өнөөдөр нээлтээ хийлээ.

Тус үзэсгэлэнгээс бэлтгэсэн фото сурвалжлагыг хүргэж байна.

Гэрэл зургийг Б.АМАРТҮВШИН

Урчуудын эвлэлийн нэрэмжит шагналт Л.Гүрсэд

“ЧИН ВАН ХАНДДОРЖ” 1992 он, тос зотон, 110х80 см

Урчуудын эвлэлийн нэрэмжит шагналт Ц.Жамсран

“МАНЛАЙ БААТАР” 1958 он, тос зотон, 110х80 см

МУГЗ П.Балдандорж

“ФРУНЗ МАГСАРЖАВ НАРЫН ХӨРӨГ” 1956 он, тос зотон, 81х81 см

Монгол Улсын Ардын Зураач, Төрийн шагналт, УГЗ Ү.Ядамсүрэн

“ЧОЙБАЛСАН, СТАЛИН” 1951 он, тос зотон, 127х149 см

Монгол Улсын Ардын Зураач, Төрийн шагналт, УГЗ Г.Одон

“НЯНТАЙСҮРЭН” 1979 он , тос зотон, 57х75 см

Монгол Улсын Ардын Зураач, Төрийн шагналт, УГЗ Г.Одон

“ТОГТОХ” 1958 он, тос зотон, 68х77 см

Монгол Улсын Ардын Зураач, УГЗ Ц.Доржпалам

“Х.ЧОЙБАЛСАН” 1956 он, тос зотон, 110х160 см

Төрийн шагналт, УГЗ Д.Чойдог

“ӨВГӨН ПАРТИЗАН” 1943 он, тос зотон, 80х65.5 см

Урчуудын эвлэлийн нэрэмжит шагналт Х.Содномцэрэн

“АХМАД ДАЙЧИН” 1980 он, тос зотон, 74х94 см

Монгол Улсын Ардын Зураач, Франц Улсын Ардын Зураач, МУ-ын УГЗ Б.Чогсом

“БОДОЛ” 1967 он, тос зотон, 201х141 см

Монгол Улсын Төрийн Шагналт Зураач Б.Пүрэвсүх

“ТЭМЦЛИЙН ЗАМД” 1984 он, тос зотон, 200х160 см

Хөдөлмөрийн Баатар, Ардын зураач, Төрийн шагналт, УГЗ, Урлаг судлалын ухааны доктор Н.Цүлтэм

“МӨНХИЙН БАРИЛДЛАГА” 1987 он, тос зотон, 110х140 см

Монгол Улсын Ардын Зураач, Төрийн шагналт, УГЗ Д.Амгалан

“КАПИТАЛИЗМЫГ АЛГАСАСАН НЬ” 1961 он, гуйшь даавуу, 160х200 см

Оросын Холбооны Буриад Улсын Гавъяат Зураач Б.Дашням

“АЯН ЗАМД” 1960 он, тос зотон, 81х181 см

Урчуудын эвлэлийн нэрэмжит шагналт Ё.Өлзийхутаг

“СОНГОСОН ЗАМ” 1984 он, тос зотон, 190х150 см

Урчуудын эвлэлийн нэрэмжит шагналт С.Рэнцэн

“БУМЦЭНДИЙН ОТРЪД” 1970 он, тос зотон, 100х180 см

Монгол Улсын Төрийн Шагналт Б.Пүрэвсүх

“ТАЛЫН БААТРУУД” 1984 он, тос зотон, 160х200 см

Урчуудын эвлэлийн нэрэмжит шагналт Ц.Дорж

“ЭЦСИЙН МӨЧ” 1981 он, тос зотон, 140х130

Хөдөлмөрийн Баатар, Ардын зураач, Төрийн шагналт, УГЗ, Урлаг судлалын ухааны доктор Н.Цүлтэм

“ЧОЙБАЛСАН ПАРТИЗАНЫ ХАМТ” 1945 он, тос зотон, 110х150 см

Урчуудын эвлэлийн нэрэмжит шагналт Ц.Жамсран

“ФАНЕРИЙН ЗАВОД” 1962 он, тос зотон, 122а162 см

Зураач Б.Балдан

“БУЛИГАРЫН ЗАВОД” 1953 он, тос зотон, 110х150 см

Монгол Улсын Ардын Зураач, УГЗ Б.Гомбосүрэн

“НЭХМЭЛИЙН ҮЙЛДВЭР” 1953 он, тос зотон 150х121 см

Урчуудын эвлэлийн нэрэмжит шагналт Ц.Жамсран

“СҮҮН ЗАВОД” 1965 он, тос зотон, 80х120 см

Монгол Улсын Ардын Зураач, УГЗ Б.Гомбосүрэн

“НЭГ БРИГАДЫНХАН” 1977 он, тос зотон, 120х160 см

Монгол Улсын Ардын Зураач, УГЗ Б.Гомбосүрэн

“ХОТЫН ТӨВ” 1951 он, тос зотон, 65.5х120 см

Хөдөлмөрийн Баатар, Ардын зураач, Төрийн шагналт, УГЗ Б.Чогсом

“БАЯРЫН ЧИМЭГЛЭЛ” 1957 он, тос зотон, 100х130 см

Монгол Улсын Ардын Зураач, Төрийн хошой шагналт, УГЗ О.Цэвэгжав

“Усжуулалт” 1965 он, тос зотон, 80х120 см

Зураач Б.Доржханд

“БАРИЛГАЧИН” 1963 он, тос зотон, 120х200 см

Урчуудын эвлэлийн нэрэмжит шагналт Ч.Ичинноров

“НАЙРАМДЛЫН ХОТХОН” 1970 он, тос зотон, 110х128 см





Categories
мэдээ спорт

“Пёнчан-2018” хөшгөө татлаа

Пёнчаны 23-дугаар өвлийн олимп энэ сарын 9-нөөс 25-ны хооронд болж өнгөрлөө. Цэнгэлийн манлай олимпын хаалтын ёслол өчигдөр өргөн дэлгэр болж өнгөрсөн.

13 настай китарчин хүү Янг Таэ Вон өөрийн үзүүлбэрийг үзүүлж мөн Kpop хамтлаг EXO уран бүтээлийн дээдсээсээ толилуулсан юм. Ёслолын үеэр Тонгагийн тамирчин Пита буюу Монголчууд бид Тосонцэнгэл гэх нэрээр сайн мэдэх тамирчин мөн л биеэ тослон цээж нүцгэн цэнгэлдхэд хүрэлцэн иржээ.

-ӨВЛИЙН ОЛИМП АНХ 1924 ОНД ФРАНЦЫН ШАМАНИ ХОТОД БОЛЖ БАЙВ-

Энэ үеэр дараагийн өвлийн олимпыг зохиох Бээжин хотын удирдлагууд олимпын тугийг хүлээн авсан юм. Ийнхүү хятадын панда мөсөн талбайд уран гулгалт үзүүлж цэнгэлийн манлай олимпыг хааж тэнгэрт солиут буудсан юм.

Энэ жилийн наадамд 92 орны 2922 тамирчин, 15 спортын төрөлд 102 багц медалийн төлөө өрсөлдсөн. Норвегийн баг олз омог дүүрэн байж 14 алт, 14 мөнгө, 11 хүрэл медаль хүртэж бүх орныг тэргүүлсэн бол Германы баг тамирчид 14 алт, 10 мөнгө, 7 хүрэл медаль хүртэж удаалсан юм. Харин тэмцээнийг хүлээн авагч Өмнөд Солонгосын баг тамирчид 5 алт, 8 мөнгө, 4 хүрэл медаль хүртэж долоодугаар байранд орсон. Тэд шорт трэкийн төрөлд хэд хэдэн медаль авах боломжтой байсан ч баг тамирчид нь ээлж дараалан азгүйтсэн билээ.

Б.АМАРТҮВШИН


Categories
мэдээ эдийн-засаг

ОУВС-гийн хөтөлбөрийн хүрээнд Активын чанарын үнэлгээн дээр стресс тест нэмж хийнэ гэв

Монгол банкны улирдлагууд арилжааны банкуудад хийгдсэн Активын чанарын үнэлгээний талаар мэдээлэл хийлээ. Энэхүү хуралд Монгол банкны хяналт шалгалтын газрын захирал Н.Батсайхан, Эрх зүй, хяналтын хэлтсийн ахлах хуульч Т.Дэлгэрхүү, Нөөцийн удирдлага, санхүүгийн зах зээлийн газрын захирал А.Энхжин, Статистикийн хэлтсийн дарга Б.Батсүрэн, Санхүү мэдээллийн албаны дарга Х.Батчулуун нар оролцов.

Тэд Арилжааны банкуудад хийсэн активын чанарын үнэлгээний үр дүн, УИХ-аар хэлэлцэгдэж байгаа хууль эрх зүйн шинэчлэл, Улаанбаатарын зөвшилцөл хэлэлцүүлгийг Монгол банкнаас санаачлан хийсэн талаар болон Санхүүгийн хэрэглэгчийн эрх ашгийг хамгаалах таван сарын хугацаатай аяныг Монгол банкнаас зарлаж амжилттай хэрэгжүүлж байгаа талаараа ярьсан юм.

Активын чанарын үнэлгээний үр дүнгийн талаар Монголбанкны Хяналт шалгалтын газрын захирал Н.Батсайхан “Активын чанарын үнэлгээний үр дүнд ДНБ-ий 2 хувьтай тэнцэх өөрийн хөрөнгийн дутагдал гарсан. Гэсэн хэдий ч банкны системийн үзүүлэлтүүд сайн байна. Тухайлбал өөрийн хөрөнгийн хүрэлцээтэй байдал 13.7 хувь, төлбөр түргэн гүйцэтгэх чадвар 45 хувь гарсан. Систем энэ зэргийн дутагдлыг аваад гарахаар харагдаж байгаа. Монголбанкны зүгээс зөвхөн системийн дутагдлыг олон нийтэд мэдээлэхээр шийдсэн. Банк тус бүрээр мэдээлэл гаргахгүй.

ОУВС-гийн хөтөлбөрийн хүрээнд Активын чанарын үнэлгээн дээр стресс тест нэмж хийнэ гэж байгаа. Энэ хүрээнд бүх банкууд өөрийн хөрөнгөө нэмэгдүүлэх шаардлагатай. Энэ төлөвлөгөөгөө бизнес төлөвлөгөөний хамт Монголбанканд ирүүлнэ. Эцсийн тоог 3 дугаар сардаа тогтоож банкуудад мэдэгдэнэ” гэв.

Монгол банкнаас гаргасан статистик, үзүүлэлт

2018 оны нэгдүгээр сарын байдлаар мөнгөний нийлүүлэлт 15,8 их наяд төгрөгт хүрсэн байна. Энэ нь өмнөх оны мөн үетэй харьцуулахад 31,7 хувиар өссөн үзүүлэлт гэнэ. Харин өнгөрсөн оны эцсээс 0,6 хувиар буурсан үзүүлэлттэй байгаа аж. Мөнгөний нийлүүлэлтийн 55 хувийг төгрөгийн хадгаламж эзэлж байгаа юм. Нийт зээл өнгөрсөн сарын байдлаар 13,5 их наяд төгрөг байгаа бөгөөд цалин тэтгэвэр хэрэглээний зээл ихэнхи хувь буюу 22 хувийг эзэлсэн тоон үзүүлэлт гарчээ.

Монгол Улсын гадаад өрийн үлдэгдэл 27.4 тэрбум ам.доллар болж, өмнөх улирлаас 5 хувиар өссөн аж. Гадаад өрийн хэмжээ нэмэгдсэн нь ОУВС-гийн хөтөлбөрүүдийн хүрээнд орж ирсэн санхүүжилтийг дагаад зээлийн хэмжээ нэмэгдэж байгаа гэнэ.

Орон сууцны ипотекийн зээл хамгийн эрсдэл багатай зээлд тооцогдож байгаа бөгөөд нийт зээлийн 1.8 хувь нь чанаргүй зээлээр бүртгэгдсэн. Ипотекийн зээл авч байгаа иргэдийн 38.6 хувь нь 40-60 ам.метр, 28.2 хувь нь 60-80 ам.метр, 24 хувь нь 40-өөс доош ам.метр талбайтай орон сууц авсан байна.

2017 оны эцсийн байдлаар хөрөнгө оруулалт 31,6 тэрбум ам.долларт хүрчээ. Энэ нь гадаадаас татсан авсан хөрөнгө оруулалт нь нэмэгдсэнтэй холбоотой аж. Гадны орнуудаас Монгол Улсад 37,1 тэрбум ам.долларын хөрөнгө оруулалт хийсан байна. Үүний 46 хувь нь гадаадын шууд хөрөнгө оруулалт, 13 хувь багцын хөрөнгө оруулалт, 40 хувь нь бусад хөрөнгө оруулалт эзэлж байна. Гадаад хөрөнгө оруулалт өмнөх оны мөн үетэй харьцуулахад долоон хувь буюу 2,2 тэрбум ам.доллараар өссөн. Хөрөнгө оруулалт нэмэгдсэн нэг шалтгаан нь “Хуралдай”, “Гэрэгэ” бонд голлон нөлөөл үзүүлсэн байна.

Б.АМАРТҮВШИН


Categories
мэдээ спорт

Үндэсний лигийн финал эхэллээ

Image may contain: 2 people, people playing sports, basketball court and indoor

Монголын үндэсний сагсанбөмбөгийн холбооны Үндэсний лигийн аваргын цуврал эхэллээ. Лигийн Баруун, Зүүн бүсийг тус бүр ганцхан хожигдолтой итгэлт төгс тэргүүлсэн хоёр баг аваргын төлөө шалгаран үлдэв.Баруун бүсийн аваргаар Үндэсний лигийн 2016-2017 оны аварга Архангай Алтан Дорнодын Дайчид, Зүүн бүсийн аваргаар Ховд Шонхорууд тодорч аваргын финалд үлдсэн.

Харин өчигдөр орой цуварлын эхний тоглолт боллоо. Тус тоглолтод Ховд Шонхорууд 118-115-ийн харьцаатай Архангай Алтан Дорнодын Дайчдыг илүүрхэж цуварлыг 1-0-ээр тэргүүлж эхэллээ. Тэд өнөөдөр багаар 81 самбараас бөмбөг авснаас 35 нь довтолгооны самбар байв. Тоглолтын шилдэг тоглогчоор Ховд Шонхорууд багийн ахлагч Э.Дөлгөөн 39 оноо, 18 самбараас бөмбөг авч тодорсон юм.

Б.АМАРТҮВШИН

-ТОГЛОЛТЫН СТАТИСТИК ҮЗҮҮЛЭЛТ-

-ТОГЛОЛТЫН ШИЛДЭГ ТОГЛОГЧ-

Image may contain: 1 person, standing

-ТОГЛОЛТЫН ТОЙМ БИЧЛЭГ-


Categories
мэдээ спорт

Бүх оддын долоо хоног хөшгөө татлаа

2018 all star los angelos saturday night зурган илэрцүүд

Уржигдар Америкийн сагсанбөмбөгийн бүх оддын долоо хоногийн хүрээнд залуу оддын тоглолт болсон. Тус тоглолтод NBA-гийн гадаад тоглогчид Дэлхийг төлөөлөн Америкийн залуу тоглогчидтой тулсан юм. Дэлхийн багийг Жол Эмбийд тэргүүлэн тоглосон ч бүх оддын тоглолтод оролцох байсан учир түүнийг цөөхөн минут тоглуулав. Харин Америкийн багийг Жэйлон Браун тэргүүлэн 35 оноо, 10 самбараас бөмбөг авалт хийлээ. Залуу оддын тоглолтын шилдэг тоглогчоор Дэлхийн багийн Богдан Богданович тодорсон юм. Тэрээр долоон удаа гурваас хийж 26 оноо авсан. Харин түүнд Бадди Хийлд 29 оноогоор туслав. Ийнхүү Дэлхийн баг 155-124-ийн харьцаатай Америкийн багийг хожсон юм.

Харин Бямба гарагийн тэмцээн манай цагаар өчигдөр өглөө боллоо. Тус тэмцээн уламжлал ёсоор слэм данк, гурвын зайн шидэлт, ур чадварын тэмцээнүүдээр үргэлжилсэн юм.

Тако Бэлл ур чадварын тэмцээнээр Бямба гарагийн бүх оддын үдэш эхэллээ. Тус тэмцээн хоёр дахь жилдээ том тоглогчид болон хамгаалагчдын дунд болов. Тус тэмцээнд орсон том тоглогчдын дурьдвал Ал Хорфорд, Жол Эмбийд, Лаури Маракннан, Андрэ Драммонд нар юм. Тэдний дундаас Чикаго Буллзын шинэ цэрэг Лаури Марканнан ур чадвараараа шилдэг нь байж финалд үлдэв. Харин жижиг тоглогчдоос Брүүклин Нэтсийн холбогч Спинсэр Динвайд тэргүүлж түүний ард Люу Виллиамс, Донавон Мичэль, Жамал Мурри нар удаалан тэмцээнээс хасагдлаа.

Эцсийн шалгаруулалтанд Спинсэр Динвайд, Лаури Маркананыг илүүрхэж ур чадварын тэмцээний цомыг өргөсөн юм.

Үүний дараа шоу гурвын зайн тэмцээнээр үргэлжлэв. Тус тэмцээнд Клэй Томпсон, Дэвин Бүүкэр, Кайл Лаури, Эрик Гордон, Пол Жорж, Брэдли Бийл, Вэйн Элингтон, Тобиас Харрис нар оролцлоо. Финикс Сансын тоглогч Дэвин Бүүкэр эцсийн шатанд Алтан мужын дайчин Клэй Томпсонтой тулж 30 шидэлтийнхээ 20-ыг нь байндаа тусгав. Ийнхүү Клэй Томпсоны бүх цаг үеийн 25 онооны рекордыг 28 болгож шиэчилсэн юм. Дэвин Бүүкэр Гурвын зайн шидэлтийн хуучин аваргыг рекордтой нь буулган авч цомын эзнээр шалгарлаа.

Бямба гарагийн бүх оддын тэмцээний оргил нь Слэм данкын тэмцээн байдаг. Дэннис Смит Жр, Донавон Мичель, Виктор Оладипо, Лэрри Нанс Жр нар өөрсдийн шилдэг тохолтуудаа үзүүлэх юм. Тэр ч утгаараа тохолтын тэмцээн үнэхээр гайхалтай байлаа. Уламжлал ёсоор дөрвөн оролцогч өөрсдийн хоёр үзүүлбэрийг толилуулав. Финалын шатанд Лэрри Нанс Жр, Донавон Мичель нар үлдэж Юта Жаззын шинэ цэрэг Донавон Мичель хүчтэй томхавк данкаар тохолтын тэмцээний цомыг хүртлээ.

Өнөө өглөө жинхэнэ бүх оддын шоу үүдээ нээв. Энэхүү шоунд өнөө цаг үеийн өнгийг тодорхойлж буй шилдэг тамирчид хуран цугласан байлаа.

Лэброн Жэймс, Кэвин Дурант, Гианнис Антэтокумпо зэрэг шилдэг тамирчдын эзэрхийлсэн тоглолт энэ үдшийн гол үзүүлбэр юм. Тоглолтын эхнээс гурвын зайн шидэлт тоглолтод зонхилж байв. Ялангуяа Жэймс Хардэн, Чеф Карри нар эхний хагаст тус бүр долоон шидэлт шийд рүү нүүлгэж нийлээд ердөө хоёрыг л хийв. Харин Лэброн Жэймс багаа тэргүүлэн гайхалтай тоглов. Тэрээр энэхүү тоглолтод хожхыг хүссэн нэгэн нь байсан бөгөөд хамгийн шилдэг гэсэн тоглогчдыг нь авсан юм. гэвч Лэброны багаас Дэмаркуз Казинс, Жон Вол, Кирстапс Порзингиз нар бэртлийн улмаас оролцоогүй юм.

Энэхүү тоглолтын турш хоёр багийн тамирчдын нөхөрсөг өрсөлдөөн ширүүсч эцэс сүүлд нь 148-145-ын харьцаатай Лэброны баг яллаа. Тус тоглолтод довтолгоо зонхилж 17 тоглогч хоёр оронтой тоонд оноогоо хүргэв. Лэброн Жэймс 29 оноо, 10 самбараас бөмбөг авалт, 8 оновчтой дамжуулалт өгч гурав дахь удаагаа бүх оддын тоглолтын үнэ цэнэтэй тоглогчоор шалгарсан юм.


Тоглогчдын статистик үзүүлэлт

Team LeBron-

L. James (CLE)- 29 pts, 10 reb, 8 ast

K. Durant (GSW)- 19 pts, 6 reb, 5 ast, 3 stl

P. George (OKC)- 16 pts, 5 reb, 4 ast

K. Irving (BOS)- 13 pts, 7 reb, 9 ast

R. Westbrook (OKC)- 11 pts, 8 reb, 8 ast

Team Stephen-

D. DeRozan (TOR)- 21 pts, 6 reb

D. Lillard (POR)- 21 pts

J. Embiid (PHI)- 19 pts, 8 reb

K. Towns (MIN)- 17 pts, 10 reb

Б.АМАРТҮВШИН

Categories
мэдээ нийгэм

Э.Бөхбат: Нийслэл хотын хэмжээнд 212 уулзварыг хяналтад авч ажиллана

Нийслэлийн Цагдаагийн Газар болон Замын Цагдаагийн Албаас цаг үеийн асуудлаар мэдээлэл хийлээ. Энэхүү хуралд ЗЦА-ны Урьдчилан сэргийлэх хэтсийн дарга, цагдаагийн хурандаа Э.Бөхбат, НЦГ-ын Урьдчилан сэргийлэх хэлтсийн дарга, цагдаагийн дэд хурандаа Ц.Цэрэнпунцаг, Цагдаагийн хошууч Ц.Баатарболд нар оролцов.

Энэ үеэр сар шинийн урьд жилүүдийн нөхцөл байдлын талаар Э.Бөхбат ярилаа. Тэрээр “Өнгөрсөн 2017 оны cap шинийн баярын өдрүүдэд зам тээврийн ослын улмаас улсын хэмжээнд 14 хүний амь нас хохирч, 48 хүн хүнд, хөнгөн гэмтсэн. Үүнээс орон нутагт 13 хүний амь нас хохирч, 10 хүн гэмтсэн.

2016 онд нийт 17029 дуудлага мэдээлэл хүлээж авч байсан бол 2017 онд 7726 хувь буюу 55 хувиар буурсан. Гэмт хэргийн шинжтэй дуудлага мэдээлэл 2016 онд 396 байсан бол 2017 онд 217 мэдээлэл ирж 45,2 хувиар буурсан. Зөрчлийн нийт дуудлага 2016 онд 4379 хүлээн авсан бол 2017 онд 3827 буюу 12,4 хувиар буурсан байна.

2016 онд согтуугийн 2350 дуудлага авсан бол өнгөрсөн жил 1638-г хүлээн авч 30,3 хувиар буурсан үзүүлэлттэй байна. Цагдаагийн байгууллага жил ирэх тусам нөхцөл байдалтай бодит дүгнэлт хийж сар шинийн баярыг дөхүүлэн цагдаа, Дотоодын цэргийн нийт бие бүрэлдхүүн, Хууль сахиулахын их сургуулийн сонсогчид мөн нийтийн эргүүл, олон нийтийн цагдааг зохион байгуулж түгжрэл нягтрал ихтэй газруудыг эмзэг цэгүүд болон гэмт хэрэг үйлдэгддэг газруудыг бүрэн хяналтандаа авч эргүүл хяналт шалгалтыг тогтоож иргэдээ сар шинийн баяраар тайван амар байх нөхцлийг бүрдүүлэхээр цагдаагийн бие бүрэлдхүүн бүрэн бүрэлдхүүнээрээ ажиллана.

Энэ жилийн цагаан сарыг тэмдэглэн өнгөрүүлэх үеийг ЦЕГ-ын тушаалаар хоёр төлөвлөгөө гарган хэрэгжүүлэн ажиллаж байна. Орон нутгийн болон нийслэлийн арга хэмжээнд 6000 гаран албан хаагч тэр дундаа цагдаа дотоодын цэргийн нийт бие бүрэлдхүүн хууль сахиулахын их сургуулийн сонсогчид мөн иргэдийн нийтийн эргүүл олон нийтийн цагдаа нар хамтран ажиллаж байна” гэв.

Бүртгэгдсэн зам тээврийн ослын шалтгааныг авч үзвэл орон нутгийн замд буруу тээвэрлэлт, буруу зогсолт хийх, гэрэл шилжүүлэхгүй байх, гүйцэж түрүүлэх үйлдлийг буруу гүйцэтгэх, согтууруулах ундааны зүйл хэрэглэсэн үедээ тээврийн хэрэгсэл жолоодох зэрэг байгаа аж.

Харин 70 орчим хувь нь буюу тэргүүлэх шалтгаан нь хурд хэтрүүлсний улмаас онхолдох, мөргөлдөх хэлбэрээр гарч байна гэв.

Нийслэлд гарсан осол нь хажуу хоорондын зай баримтлаагүй, уулзвар гарц нэвтрэх журам зөрчсөн, тээврийн хэрэгслээ бусдын хөдөлгөөнд саад болох хэсэгт байршуулах, согтууруулах ундааны зүйл хэрэглэсэн үедээ тээврийн хэрэгсэл жолоодсоны улмаас үйлдэгдэж байгаа аж.

Түүнчлэн 65 орчим хувь нь эгнээ байр өөрчлөх журам зөрчсөний улмаас тус тус бүртгэгдсэн байгаа тул хөдөлгөөнд оролцох үедээ дээрх төрлийн зөрчлүүдийг гаргахгүй байхыг ЗЦГ-аас анхааруулж байна.

Cap шинийн баярын өдрүүдэд иргэдийнхээ аюулгүй байдлыг хангах, шуурхай зорчих нөхцөлийг бүрдүүлэх зорилгоор нийслэл хотын хэмжээнд нийт 212 уулзварыг хяналтад авч байгаа аж. Гэр хороолол, орон сууц дундах замуудыг давхар хяналтдаа авч замын цагдаагийн албаны 478 алба хаагч, ХСИС-ийн 280 сонсогчоор хүч нэмэгдүүлэн нийт 760 алба хаагч ажиллана.

Нийслэл хотод сар шинийн баярыг зохион байгуулж байгаа ажил арга хэмжээг НЦГ-ын Урьдчилан сэргийлэх хэлтсийн дарга, цагдаагийн дэд хурандаа Ц.Цэрэнпунцаг танилцууллаа.“Өчигдрөөс эхлэн “Нийтийн эргүүл” арга хэмжээг зохиож үр дүнгээ тооцоод албан хаагчдаа хуваарьт оруулан ажиллаж байна. Сар шинийг угтаж хийсэн гол ажил нь “Хулгайчаас салцгаая” пэйж хуудсыг нээж ажиллуулсан. Энэ нь хулгайн гэмт хэрэгт өртсөн хулгайн гэмт хэргийн талаархи мэдээ мэдээллийг бүртгэлд авч шалгаж байгаа. Энэ мэдээллээр өнөөдрийн байдлаар тодорхой тооны гэмт хэргүүд илэрсэн үзүүлэлтүүд байгаа учраас хулгайлах гэмт хэргээс урьдчилан сэргийлэх “Хулгайчаас салцгаая” пэйж хуудсыг та бүхэндээ танилцуулан ажиллаж байна.

Мөн сар шиний баяраар камержуулах ажлыг тодорхой хэмжээнд авч хэрэгжүүлсэн. Энэ дээр хан-уул дүүргийн 1, 2, 3, 11-дүгээр хорооны өргөн чөлөөг бүрэн камержуулах ажлыг хийж үр дүнгээ хүртээд үйл ажиллагаа нь хэвийн явагдаж байна. Гэмт хэргийг илрүүлэх таслан зогсоох ажил камерийн ажил арга хэмжээнүүдийг хийж шинэ санал санаачилгыг нэвтрүүлэх чиглэлээр хоёр удаагийн хэлэлцүүлэг ярилцлага, нэг удаагийн үзэсгэлэн худалдааг зохион байгуулж байна” гэв.

Б.АМАРТҮВШИН


Categories
онцлох-нийтлэл туслах-ангилал

Н.Энхбаяр: Үндсэн хуулийг өөрчлөх ёстой

МАХН-ын хоёрдугаар их чуулган энэ сарын 9-10-нд болж өнгөрсөн. Тус чуулганд Монгол Улсын хөгжил өнгөрсөн, одоо, ирээдүй сэдвээр МАХН-ын дарга Н.Энхбаяр илтгэл тавьсан байна. Тэд чуулганаас гарсан үр дүнгийн талаар мэдээлэл хийлээ.

Хэвлэлийн хуралд МАХН-ын дарга Н.Энхбаяр, Чуулганы дарга Н.Удвал, дэд дарга С.Ганбаатар, Ерөнхий нарийн бичгийн дарга Б.Тулга нар оролцов.

Энэ үеэр МАХН-ын дарга Н.Энхбаяр “Одоо төрийн үйл ажиллагааны гажуудал Үндсэн хуультай холбогдож байгаа. Үүнийг засахын тулд Үндсэн хуулиа өөрчлөх замаар тогтолцоогоо зөв болгох хэрэгтэй. Үндсэн хуулийг ард түмэн баталдаг. Түүнээс биш МАН, АН, МАХН батлахгүй. Тийм учраас бид ард түмнийхээ гарын үсгийг цуглуулна. Бид байгалийн баялгаа зөв хуваарилж байж иргэдээ орон сууцжуулна. Залуучууддаа сайн боловсрол эзэмшүүлнэ.

Тавантолгойгоос 100 тэрбум ам.доллар босгох боломжтой. Үүнээс 20 тэрбум ам.доллараар нь 450 мянган өрхийг орон сууцжуулна. 200 мянган оюутны төлбөрийг нэг жилдээ 200 сая ам.доллар л төлнө. Ийм боломж бидэнд байгаа. Энэ бүхэн Үндсэн хуулин дээр тусгаагүй учраас МАН ажлаа хийхгүй суугаад байна. У.Хүрэлсүхэд битгий найд, Х.Баттулгаас их зүйл битгий хүлээ. Үндсэн хуулиа л өөрчлөх ёстой. Энэ бүхнийг бид Их чуулганаараа хэлэлцсэн” гэв.

Б.АМАРТҮВШИН


Categories
онцлох-нийтлэл туслах-ангилал

Сар шинийн үзэсгэлэнг үндэсний брэндүүд чимж байна

Монголын Үндэсний Худалдаа Аж Үйлдвэрийн Танхимд “Цагаан сар-2018” үзэсгэлэн худалдаа үргэлжилж байна. Тус үзэсгэлэнд Эсгий хивс, тавгийн боов, цагаан идээ, ноолууран ороолт малгай, модон чимэглэл зэрэг маш олон бүтээгдхүүнүүд танилцуулагдав.

Харин худалдан авагчид “Монгол бүтээгдхүүнүүд үнэтэй байна” гэж байсан юм. Энэ сарын 11-ныг дуустал үргэлжлэх уг үзэсгэлэнд Дархан минж ХХК, Очирдагинас ХХК, Өгөөж-Чихэр боов ХХК, Хөгжил трэйд ХХК зэрэг үндэсний хэмжээний томоохон компаниуд болон орон нутгийн бизнес эрхлэгч 60 орчим аж ахуйн нэгж оролцож байгаа юм.

Энэ үеэр Архангай аймгийн Өлзийт сумын худалдаачин Ц.Тунгалагтай ярилцлаа. Тэрээр ааруулаар хийсэн тавгийн идээ, цагаан архи зэрэг бүтээгдхүүн худалдаалж байв.

“Би сүүн хуруудаар хийсэн тавгийн идээ авч ирсэн. Өнөөдрийн байдлаар хүн цөөхөн байна. Хоёр литрийн цагаан архи 15 мянган төгрөгийн үнэтэй борлуулагдаж байгаа. Харин таван литрийн айраг 25 мянган төгрөгийн үнэтэй.

Энэхүү үзэсгэлэнд оролцоход Чехийн хөгжлийн агентлаг хамгийн чухал нөлөө үзүүлсэн. Жижиг дунд үйлдвэрлэлийг хөгжүүлэхэд анхаардаг учир түрээсийн мөнгийг даасан” гэв.

Энэхүү үзэсгэлэн худалдаагаас ноос ноолуур, эсгийгээр хийсэн бүтээгдэхүүн, үндэсний онцлогтой арьсан болон тааран цүнх, ширмэл гудас, модон сав суулга, зэс гуулин данх гээд цагаан сарын гарын бэлэг болохоор олон бүтээгдхүүн харагдаж байлаа.

Мөн худалдан авагчид Цайдам трэйд ХХК-ны “Бурамхан” чихэр, Заан фүүдс ХХК-ны “Саян” брэндийн шоколад, набор, ГУМ ХХК-ийн “Шүүдэр” шимийн архи зэрэг шинэлэг бүтээгдэхүүнийг амталж байв.

Үзэсгэлэнд Монголын ёс заншлыг харуулсан бэлэг дурсгалын эд зүйлүүд хэд хэдэн лангуун дээр байлаа. Модоор хийсэн жижиг хэмжээтэй гэрүүдийг эсгийгээр мөн урласан харагдав.Энэхүү үзэсгэлэнгээс өвөрмөц содон гарын бэлгийг сонгох боломжтой байна гэж хэсэг худалдан авагчид хэлсэн юм.

Энэ үеэр хамгийн их анхаарал татсан бүтээгдхүүн цагаан сарын гоёмсог дээлүүд байлаа.

Тус дээлийг урладаг “Оюу” салоны захирал Т.Пагмадуламтай хэсэг хором ярилцсан юм.

-Үзэсгэлэнд танилцуулсан дээлнүүд чинь их өвөрмөц хэв загвартай юм?

-Энэ жил гарсан шинэ загварын дээлүүд байгаа. Битүү булган эмжээртэй хоёр талдаа кармаатай. Өдөр тутамд өмсөх зориулалтаар хийсэн. Торго, дурдан дээлүүд эдэлгээ, угаалт даахгүй сэмэрч урагддаг. Харин энэхүү дээлүүдийг куртикны материал дээр хатгамал хийж урласан учир угаалгын машинд угааж болдог.

-Ихэвчлэн эмэгтэй дээл харагдаж байна?

-Эмэгтэй дээлүүд ихэвчлэн бий. Эрэгтэй дээлийг захиалгаар хйинэ. Эмэгтэй нь европ размэрээр хийдэг учир хүнд их эвтэйхэн таардаг. Хөнгөхөн, зөөлхөн, дулаахан 150-250 мянган төгрөгийн үнэтэй. Өвлийн зузаан булган эмжээртэй дээлүүдийг 250 мянган төгрөгөөр хийж байгаа.

-Танай салон дээлнээс өөр ямар бүтээгдхүүн урладаг вэ?

-Одоохондоо цагаан сарын үндэсний дээл, хувцас хийж байна. Жирийн үед захиалгаар бүх төрлийн хувцаснуудыг хийдэг дээ. Даавуун дээлнүүдээ гадаадын куртикыг халж Монгол үндэсний дээлээрээ гангараасай гэж урласан гэв.

Б.АМАРТҮВШИН