Ач холбогдолоороо хоёрт бичигддэг Европын хөлбөмбөгийн нэгэн цом болох Европа –Лигт Испаний гранд баг “Атлетико”Мадрид түрүүллээ. Францийн Лион хотын цэнгэлдэх хүрээлэнд зохиогдсон уг тэмцээний финалд тэд Францийн “Марсель” багтай таарч 3:0-ээр өрсөлдөгчөө буулган авчээ.
“Атлетико” багийн хувьд энэхүү нэр хүндтэй тэмцээнд түрүүлж буй гурав дахь(2009/10, 2011/12, 2017/2018) тохиолдол нь өнөөдөр ирж байна. Ер нь сүүлийн үед Европд зөвхөн Испаний баг түрүүлдэг хууль бичигдээд байгаа бололтой. Жишээ татхад 2013/2014 улиралаас хойш Европын хөлбөмбөгийн нэр хүндтэй томоохон тэмцээнүүд 13 зохиогдсноос 12-т нь Испаний аль нэг баг түрүүлсэн байх юм.