МАХН-ын дарга Н.Энхбаярыг Шадар сайдад томилоход хуульд нийцэж байгаа эсэхийг тодруулахаар Засгийн газар Авлигатай тэмцэх газарт албан тоот хүргүүлсэн. Өнөөдөр АТГ-аас Засгийн газарт хариу мэдээллийг хүргүүлжээ. Эх сурвалжийн мэдээлснээр Н.Энхбаярыг Шадар сайдын албанд томилоход ашиг сонирхлын зөрчилтэй тул тохирохгүй гэж дүгнэсэн байна.
АТГ өөрийн цахим хуудастаа мэдээлэхдээ “Авлигатай тэмцэх газар Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 23 дугаар зүйлийн 23.6-д заасны дагуу нийтийн албанд томилогдохоор нэр дэвшсэн этгээдийн хувийн ашиг сонирхлын урьдчилсан мэдүүлгийг ажлын 10 өдөрт багтаан хянан үзээд тухайн албан үүргийг хэрэгжүүлэхэд ашиг сонирхлын зөрчил үүсэх эсэх талаар томилох эрх бүхий байгууллага, албан тушаалтанд мэдэгдэх чиг үүргийг хэрэгжүүлдэг юм.