АТГ-аас ЭМЯ-ны ахлах мэргэжилтэн Б, мэргэжилтэн Ч нарыг хахууль авсан байж болзошгүй үндэслэлээр цагдан хорих 461 дүгээр ангид саатуулжээ. Тэднийг тусгай зөвшөөрөл олгохдоо хахууль авсан байж болзошгүй хэрэгт холбогдуулан шалгаж байгаа аж. Уг хэрэгт холбогдуулан тус яамны өөр хэд хэдэн хүнийг шалгаж байгаа тухай мэдээлэл ч байна.
Энэ талаар АТГ-ын ажилтан, “ЭМЯ-ны нэр бүхий албан тушаалтнуудыг цагдан хорьж шалгаж байгаа нь үнэн. Гэхдээ энэ асуудлаар АТГ-аас яриа, тодруулга өгөх боломжгүй байна. Та бүхэн Прокурорын байгууллагаас нэмэлт мэдээллийг авах нь зүйтэй юм” гэжээ.