Авлигатай Тэмцэх Газраас өнөөдөр буюу 2016 оны долоодугаар сарын 25-ны өдөр иргэн Намбарын Энхбаярт зарлан дуудах хуудас гардуулжээ.
Н.Энхбаярыг 2014 оны аравдугаар сарын 24-ний өдрийн Эрүүгийн хуулийн 148 дугаар зүйлийн 148.4 дэх хэсэгт заасан гэмт хэрэгт сэжигтнээр тооцсон бөгөөд мөрдөн байцаалтын шатанд цугларсан нотлох баримтаар Эрүүгийн хуулийн 133 дугаар зүйлийн 133.1 дэх хэсэг, 148 дугаар зүйлийн 148.4 дэх хэсэг, 268 дугаар зүйлийн 268.2 дахь хэсэгт заасан гэмт хэргүүдэд тус бүрт ньяллагдагчаар татаж ял сонсгох, яллагдагчаар байцаах, шинжээчийн дүгнэлт танилцуулахаар болсон байна.
Эрүүгийн байцаан шийтгэх хуульд зааснаар эрүүгийн хэрэгт шалгагдаж байгаа хэн нэгэн этгээд хуулийн байгууллагын дуудсан цагт хүрэлцэн ирж мэдүүлгээ өгөх үүрэгтэй. АТГ-аас иргэн Н.Энхбаярт өмнө нь 2015, 2016 оны хоёрдугаар сар, гуравдугаар сард тус тус зарлан дуудах хуудас өгч байжээ.
Тэгвэл энэхүү зургаа дахь удаагийн зарлан дуудах хуудаст, 2016 оны долоодугаар сарын 25-ны өдрийн 16:00 цагт Авлигатай тэмцэх газарт бэлэн ирэхийг мэдэгдсэн байжээ. Гэвч Н.Энхбаяр хуулийн байгууллагын дуудсан цагт хүрэлцэн ирээгүй байна.