Монгол улсын 15 аймаг 128 суманд хэрэгжиж буй “Гамшгийн эрсдэлийг бууруулахад уламжлалт болон шинжлэх ухааны аргыг ашиглах нь (LTS 2)” төслийн хүрээнд Ховд аймгийн Булган, Алтай, Үенч, Дарви, Чандмань гэсэн сумын ашиглагдахгүй байсан таван худгийг засварлаж, мотор, насосоор хангах ажлыг хийж байна. Энэхүү ажлыг зургаадугаар сарын 15 ны дотор бүрэн дуусгаж хүлээлгэн өгөх аж. Уг төсөл нь Ховд аймгийн долоон суманд хэрэгжиж байгаа бөгөөд зуданд өртсөн иргэдийн амьжиргааг хамгаалах, нөхөн сэргээхэд туслах зорилгоор зорилтот сумдад нийтдээ 50 сая төгрөгийн тэтгэлэг олгох төслийн уралдааныг зарласаны нэг нь энэхүү худаг засварлах ажил юм байна.