Мэргэжлийн сүмогийн 68 дахь ёкозүна Асашёорюү Японы интернет “ABEMA TV” телевизийн “Асашёорюүг унагаагаад 10 сая иэн” нэвтрүүлэгт оролцох болсон билээ. Тус тэмцээнд оролцогчид Асашёорюүг дохёноос түлхэн гаргаж 10 сая иен авах юм. Эхлээд тамирчин биш жирийн 5 залуу түүнийг дохёноос түлхэн гаргах гэж оролдоно. Харин тэдний дараа 3 VIP өрсөлдөгч гарч ирэх юм.
“ABEMA TV”-гээс зарласан анхны VIP өрсөлдөгч нь Америкийн холимог тулаанч Боб Сапп гэдэг нь аль хэдийн ил болсон. Харин дараагийн VIP өрсөлдөгч нь 2004 оны Афиний олимпийн жүдо бөхийн 90 кг-ийн жингийн мөнгөн медальт, 2005 оны дэлхийн аварга, 2008 оны Азийн аварга Изүми Хироши сонгогдсон аж.
