Баянгол дүүрэгт таван иргэн архинд хордон амь насаа алдсан тухай өмнө нь мэдээлсэн. Хохирогчид тус дүүргийн хоёрдугаар хороонд оршин суугчид байсан бөгөөд “Мөнхжин-Од” ХХК-ийн үйлдвэрлэдэг “Найрсаг” гэх архинд хордсон байж болзошгүй гэсэн таамаг бий
Албаныхан өчигдөр энэ талаар мэдээлэл хийж, архинд хордсон байж болзошгүй сэжигтэй тохиолдол байвал Яаралтай түргэн тусламжийн төвийн 103-т мэдэгдэхийг сануулсан. Тэгвэл бид ЯТТТ-өөс хоногийн нөхцөл байдлын талаар тодруулахад “Одоогоор архинд хордсон дуудлага ирээгүй байна” хэмээлээ.