Баярын өдрүүдэд түргэн тусламжийн 103 утсанд архи болон хоолны хордлогод орсон, цусны даралт ихэссэн дуудлага нилээд иржээ. Тухайлбал, шинийн нэгэн, хоёрны өдрүүдэд энэ төрлийн 1200 дуудлага ирсэн байна. Мөн Гэмтэл согог судлалын үндэсний төвд ахуйн хүрээнд халуун тогоонд түлэгдсэн гурван хүүхэд хүргэгдэн иржээ. Үүнээс гадна зам тээврийн осолд орсон нэг хүүхэд ГССҮТөвд ирсэн ч эмчилгээгээ даалгүй нас барсан байна. Иймээс иргэд сар шинийн өдрүүдэд архи, идээ ундаагаа тохируулж хэрэглэхийг түргэн тусламжийн эмч нар анхаарууллаа.