Архангай аймгийн төвөөс найман км-ийн зайд шинэ дулааны станц барихаар төлөвлөж байгаа талаар аймгийн ИТХ-ын дарга Н.Мөнхбат ярилаа.Тус аймагт одоогоор найман уурын зуух ажилладаг бөгөөд дулааны эх үүсвэр болох нүүрсээ 500 километрийн цаанаас татдаг учраас тээвэрлэлтийн зардал өндөр гардаг аж. Энэ нь эргээд хэрэглэгчдийн эдийн засагт хүндээр нөлөөлж байна. Нэг өрх дунджаар нэг метр куб тутамд 500 төгрөг төлдөг. Тиймээс дулааны станцтай болох зайлшгүй шаардлага тулгасан бөгөөд газрын гүний халуун рашааныг дулааны станцдаа ашиглах судалгаа, шинжилгээг хийж эхэлжээ.