У.Хүрэлсүхийн Засгийн газар байгуулагдсан цагаасаа хойш дотооддоо бонд гаргахгүй байхаар шийдвэрлэсэн. Энэ нь арилжааны банкуудын зээлийг нэмэгдүүлэх замаар эдийн засгаа дэмжих зорилготой байсан юм. Учир нь, Засгийн газар бонд гаргаж байх үед арилжааны банкууд гаргах зээлээ багасгаж Засгийн газрын бондыг худалдан авдаг байлаа. Засгийн газар ийнхүү бонд гаргахаа болсноор арилжааны банкуудын зээл олголт нэмэгджээ. Тодруулбал, 2018 оны эхний гурван сард арилжааны банкууд иргэд, аж ахуйн нэгжид 14.1 их наяд төгрөгийн зээл олгосон байна. Энэ нь өмнөх оны мөн үетэй харьцуулахад 10.1 хувиар өссөн үзүүлэлт юм.