Улс тунхагласны баярыг тохиолдуулан урлаг соёлын зарим эрхэмд шагнал гардуулах ёслол өнөөдөр болно.
Тодруулбал, Монгол Улсын ардын жүжигчин П.Цэрэндагва, Н.Сувд нарт Хөдөлмөрийн баатар цол олгохоор болжээ.
Мөн гавьяат жүжигчин Б.Жаргалсайханд ардын жүжигчин, жүжигчин Г.Амгаланбаатар, Ц.Баясгалан нарт гавьяат жүжигчин, УБХ-ийн дарга, найруулагч Ч.Түвшин, ерөнхий зураач Т.Ганхуяг нарт урлагийн гавьяат зүтгэлтэн цол хүртээх юм.
Мөн УДЭТ-ын захирал Д.Цэрэнсамбуу, жүжигчин Ж.Пүрэвдорж нарыг Монгол Улсын төрийн дээд шагнал Сүхбаатарын одонгоор шагнана.
Шагналыг 14:00 цагаас Төрийн ордонд гардуулах юм.
