УИХ дахь Ардчилсан намын бүлэг Төрийн ордны “А” танхимд ээлжит хуралдаанаа хийж байна. Тус бүлгээр сайдад нэр дэвшигчдийн тухай хэлэлцэж буй гэнэ.
Өмнө нь бүлэг Зам тээврийн сайдад УИХ-ын гишүүн Л.Эрдэнэчимэгийг, Сангийн сайдад УИХ-ын гишүүн Н.Батбаярыг, Хөдөлмөрийн сайдад УИХ-ын гишүүн Г.Баярсайханыг тус бүр нэр дэвшүүлсэн ч Ерөнхий сайд эхний хоёр нэр дэвшигчийг бүрэн эрхийнхээ хүрээнд өөрчилж, өргөн мэдүүлсэн. Ингэснээр Сангийн сайдад УИХ-ын гишүүн Б.Болорыг, Зам тээврийн сайдад УИХ-ын гишүүн М.Зоригт нэр дэвшээд байгаа.
УИХ дахь МАН-ын бүлэг мөн хуралдах ёстой ч “Б” танхим эзгүй харин гишүүд нь бүлгийн дарга С.Бямбацогтын өрөөнд цуглаад байна.
УИХ дахь МАХН-МҮАН-ын Шударга ёс эвслийн бүлгийн хувьд ээлжит хуралдаанаа эхлүүлээгүй байгаа бол бие даагч гишүүд болох С.Ганбаатар, Ц.Даваасүрэн, Х.Болорчулуун нар 11.00 цагт сэтгүүлчдэд мэдээлэл хийхээр болжээ.