Ардчилсан хувьсгалын 30, Ардчилсан намыг үүсгэн байгуулсаны 29 жилийн ойн баярт зориулсан улс аймгийн алдар цолтой үндэсний бөхийн барилдаан өчигдөр /2019.04.07/ Бөхийн өргөөнд болж Ховд аймгийн Зэрэг сумын уугуул, Монгол Улсын Харцага Б.Бат-Өлзий түрүүллээ.
Тус барилдаанд Хэнтий аймгийн Өмнөдэлгэр сумын уугуул, Монгол Улсын Арслан Э.Оюунболд үзүүрлэсэн байна. Харин шөвгийн дөрөвт Булган аймгийн харьяат Улсын заан М.Өсөхбаяр, Улсын харцага Н.Түвшинбаяр нар тунажээ.