Монгол Улсад анх удаа дэлхийн 43 орны сагсчид цугларлаа. Эдгээр өдрүүдэд 18 хүртэлх насны сагсан бөмбөгийн 3х3 төрлийн ДАШТ Д.Сүхбаатарын талбайд болж байна.
Дэлхийд сагсан бөмбөгийн хөгжлөөрөө тэргүүлэгч багууд уригдан оролцож буй тэмцээнээс олон шилдэг тамирчин төрөн гарсаар буй юм. Тэдний дундаас АНУ-ын шаргал үст Анн Ван Лит гоо үзэсгэлэнгээрээ хөгжөөн дэмжигчдээ татаж эхэллээ. Улсынхаа шигшээ багт багтсан түүний хувьд энэ жил 17 настай ч дэлхийн чансаанд өндөр оноотой тоглогчдын нэг болжээ.
Шигшээ багтаа голлох үүрэг гүйцэтгэж байгаа шаргал үст охины багийнхаа хамгийн нуруу багатай нь ч ур чадвараараа тэднээсээ дутахгүй аж. Мөн өдгөө дэлхийн чансаанд өөрийн оноотой болсон түүний хувьд Улаанбаатараас аваргын цомтой буцахаар урагшилсаар байна.
Америк охид эдгээр өдрүүдэд Д.Сүхбаатарын талбайд сагсан бөмбөгийн ур чадварыг харуулж байгаагаас гадна шаргал үст багийн анд нь хөгжөөн дэмжигчдийг баясгана.
