“Хаванагийн синдром” гэж нэршсэн хэт авианы халдлагад Берлинд суугаа АНУ-ын албаныхан өртсөн байж болзошгүй гэж сэжиглэн Германы цагдаагийн газраас мөрдөн шалгах ажиллагааг эхлүүлжээ. Дэлхий даяар байрлан ажиллаж буй АНУ-ын элчин сайдын яам болон тагнуулын албаны нийт 200 гаруй ажилтан ижил шинж тэмдэгтэй үл мэдэгдэх өвчнөөр өвдсөн тохиолдол бүртгэгдээд байна. Эх сурвалжийн мэдээлснээр ажилтнуудад толгой эргэх, дотор муухайрч, бөөлжих, толгой өвдөх шинж тэмдэг илэрсэн нь “Хаванагийн синдром” гэж нэрлэгдсэн хэт авианы халдлага гэж хардаж байна.
АНУ-ын Ерөнхийлөгч Жо Байден өчигдөр энэхүү халдлагад өртсөн дипломат ажилтнуудад санхүүгийн тусласж үзүүлэх хуульд гарын үсэг зуржээ.
Анх Кубын Хавана хотод бүртгэгдсэн тус халдлагын улмаас зарим тохиолдолд хохирогчид богино хугацааны ой санамжаа алдах хүртэл шинж тэмдэг илэрдэг байна.