АНУ-ын Колорадо муж улсын Боулдер хотноо даваа гаригт халдлага гарч, 10 хүн амиа алдсаны нэг нь цагдаагийн албан хаагч юм байна. Тодруулбал, хотын зүүн дүүрэгт байрлах “King Soopers” супермаркетын дэргэдэх машины зогсоол дээр зэвсэгт этгээд эхлээд гал нээж, дараа нь дэлгүүр рүү нэвтрэн орсон байна.
Энэ нь тус улсад гуравдугаар сард гарсан хоёр дахь халдлага болоод байна. Уг хэрэг орон нутгийн цагаар шөнийн 03 цагийн орчим болжээ. Халдлага болсон газар нь Денвер хотоос 45 км зайд оршдог аж. Колорадо мужийн тусгай албаны баг халдлага болсон байршилд шуурхай хүрэлцэн очиж, зэвсэгт этгээдийг буудаж шархдуулан, баривчилжээ. Өнгөрсөн долоо хоногт Жоржиа муж улсын Атланта хотод зэвсэгт этгээд халдлага үйлдсэн. Үүний улмаас найман хүн нас барсны зургаа нь ази гаралтай иргэд юм. Тухайн үед халдлагыг арьс өнгөөр ялгаварлан гадуурхах үзлээс үүдэлтэй гэж дүгнэж байв.
Д.ЦЭРЭНДОЛГОР