Бүрнмотын Виталити цэнгэлдэхэд Хаддэрсфэйлд баг зочилж Английн премьер лигийн 12 дахь тойрог эхэлсэн юм. Тус тоглолтод талбайн эзэд 4-0-ийн харьцаатай хожив. Борнмутаас тоглолтын 45 дахь минутанд Симмон Франнчиз хоёр дахь шар хуудсаа хүртэж талбайн эзэд талбай дээр 10-уулаа үлдсэн. Гэвч Борнмутаас Коллум Вилсон 26’, 31’, 84’-дэх минутад гоолдож хэт трик хийв. Мөн Харри Артэр 75’ дах минутанд гоолсон юм.
Энэ тойргийн хамгийн чухал тоглолт Тотенхам Арсенал багуудын хооронд болсон юм. Лондон хотын хоёр багийн тоглолт их буучдын ялалтаар өндөрлөв. Арсеналаас Шкодран Мустафи 36’, Алексис Санчэз 41’ дэх минутад тус тус гоолдлоо.
Супер Сандэйгийн тоглолт Манчестэр Юнайтэд Нью Кастл Юнайтэд багуудын хооронд болж 4-1-ийн харьцаатай улаан чөтгөрүүдийн ялалтаар өндөрлөв. Тоглолтын эхний гоолыг Нью Кастлаас Дуайт Гайл 14’ дэх минутад оруулсан ч Манчестэр Юнайтэдийн довтлогч Энтони Мартелл 37’, хамгаалагч Крис Смалинг 45’, довтлогч Пол Погба 54’, Ромэлу Лукаку 70’ дахь минутад тус тус гоолдож Нью Кастлыг бут ниргэлээ.
Энэ тойргийн сүүлийн тоглолт Бритон Хов Элбион болон Стоук сити багуудын хооронд мягмар гарагийн шөнийн гурван цагт болно.
Тоглолтуудын үр дүн
Бурнлэй 2-0 Сванси
Кристал Палас 2-2 Эвэртон
Манчестэр Сити 2-0 Лэйкэстэр
Ливэрпүүл 3-0 Соутхамптон
Челси 4-0 Вэст Бромич Элбион
Ватфорд 2-0 Вэстхам Юнайтэд
12 дахь тойргийн дараахь байдлаар Английн Премьер лигийн ТОП 10 багийн хүснэгт:
Б.АМАРТҮВШИН