Ардчилсан намын даргын сонгууль орон даяар явагдаж байна. Санал авах ажиллагаа 07.00 цагт эхэлсэн бөгөөд 12.00 цагийн байдлаар ирц 35-40 хувьтай байна гэсэн албан бус мэдээлэл байна. Зарим суманд ирц 60-70 хувьд хүрээд байгаа бөгөөд гишүүд сонгуульдаа идэвхитэй оролцож байгаа аж. Тухайлбал, Дорнод аймгийн хэмжээнд Ардчилсан намын даргыг сонгох сонгуулийн үйл ажиллагаа зөрчил будилаангүй, хэвийн үргэлжилж байна гэсэн мэдээллийг намын хорооноос нь өгсөн байна. Нийт 3900 гаруй гишүүн саналаа өгөх бөгөөд гишүүд дараалал үүсээд байгаа аж.