Ардчилсан намын даргын сонгуулийн санал хураалт дөрөвдүгээр сарын 3-ны өдөр орон даяар болж өнгөрсөн. Тус сонгуульд Х.Баттулга 96.3 хувь буюу 113 мянган хүний саналаар ялалт байгуулсан. Тэгвэл Ардчилсан намын даргын сонгуульд ялалт байгуулсан Монгол Улсын тав дахь Ерөнхийлөгч Халтмаагийн Баттулгыг намын даргаар ёсчлон батламжлах ээлжит бус их хурал маргааш буюу дөрөвдүгээр сарын 7-ны өдөр “UB Place”-д болох юм. Мөн тухайн өдөр нь Ардчилсан намын баярын өдөр тохиож байгаагаараа давхар онцлогтой аж.
