Өглөө товлогдоод байсан УИХ дахь Ардчилсан намын бүлгийн хурал хойшилж, үдээс хойш 15.00 цагаас хуралдсан юм. Долоо хоног бүрийн даваа гаригт АН-ын бүлэг хуралдаж, хурал дээр хэлэлцсэн асуудлынхаа талаар мэдээлэл хийдэг. Харин энэ удаад тус бүлгээс ямар асуудал хэлэлцсэн тухайгаа мэдээлэл хийсэнгүй.
Эх сурвалжид мэдээлснээр Ерөнхий сайдыг огцруулах асуудлыг 100 хувь дэмжинэ гэсэн МАН-ын байр суурийг бүлэг дээр авч хэлэлцсэн бололтой. Сонгууль болоход тавхан сарын хугацаа үлдээд буй учир АН-ын бүлгийнхэн дотоод асуудлаа хойш тавьж, Засгийн газраа авч үлдэнэ гэцгээж байгаа юм.