Ерөнхий сайд Ж.Эрдэнэбат Засгийн газрын бүтэц бүрэлдэхүүний тухай хуулийг өнөөдөр УИХ-д өргөн барьсан. Үүний дараа МАН-ын бүлэг хуралдаж, Төрийн байгуулалтын байнгын хорооны хурлыг зарласан. Төрийн байгуулалтын байнгын хорооны хурлаар Засгийн газрын бүтэц бүрэлдэхүүний тухай хуулийг хэлэлцэх үед Ардчилсан намын бүлэг завсарлага хүссэн юм. Харин засгаа бүрдүүлэх хуулийн 14 хоногийн хугацаа ирэх баасан гаригт дуусгавар болох юм. Тиймээс одоо хугацаа байхгүй гэдэг үүднээс АН-ын бүлэгт 30 минутын завсарлага өглөө.
Тус байнгын хорооны хуралдаанаар УИХ-ын Тамгын газрын Ерөнхий нарийн бичгийн даргаар Ж.Цолмонг томилохыг дэмжлээ.