УИХ дахь Ардчилсан намын бүлгийн дарга Д.Эрдэнэбат өнөөдөр Ерөнхий сайд Ж.Эрдэнэбатад шаардлага хүргүүлжээ.
Шаардлагад тайлбарласнаар өнгөрсөн онд болсон орон нутгийн сонгуулийн үр дүнгээр шинээр томилогдох Засаг дарга нарын томилгоо одоо хэр нь цэгцрээгүй хүлээгдэж байгаа аж.
Ардчилсан нам орон нутгийн сонгуульд 104 суманд ялалт байгуулснаас 12 сумын Засаг даргыг томилоогүй, 16 сумын Засаг даргыг хууль бусаар томилжээ.
Мөн Сүхбаатар аймаг, Баянзүрх дүүргийн Засаг даргыг батламжлаагүй байна. Иймд төрийн ажилд улстөржилгүй, томилгоог яаралтай хийхийг энэхүү шаардлагад онцолжээ.
Засаг дарга нар томилогдохгүй байгаагаас газар тариалангийн ажлаас эхлүүлээд олон ажил орон нутагт цалгардах болсон байна.
