УИХ дахь Ардчилсан намын бүлгийн ээлжит хурал өнөөдөр болж байна.
Бүлгийн хуралдаанаар Засгийн газарт хүргүүлсэн шаардлагын хугацаа дуусгавар болсон талаар болон бусад асуудлыг хэлэлцэхээр товлосон байна. Тус бүлгээс Цагдаагийн байгууллагын албан тушаалтнууд хууль зөрчиж, сэтгүүлчдийн утасыг чагнасан асуудлаар Тусгай хяналтын дэд хороог хуралдуулах шаардлагыг холбогдох албан тушаалтнуудад хүргүүлээд буй юм. Мөн Сангийн сайд Ч.Хүрэлбаатар, ХЗДХ-ийн сайд Ц.Нямдорж нарыг огцруулах, хариуцлага тооцох шаардлагыг Засгийн газарт хүргүүлсэн. Тодруулбал Сангийн сайдыг Хотгор шанагын уурхайг БНСУ-ын иргэдэд зарсан хэргээр АТГ-т шалгагдаж байгаа, ХЗДХ-ийн сайд Ц.Нямдорж нь иргэн Г.Алтантай эрх ашгийн хувьд холбоотой хэмээн үзэж байгаа юм.